熱爆娛樂: 人妻偷歡　陳煒私會中坑　睇三級片

2013年10月17日星期四

人妻偷歡　陳煒私會中坑　睇三級片

探熱針

人妻偷歡　陳煒私會中坑　睇三級片

去年簽約做無綫人的陳煒，多次傳出同從事光管生意的老公顏志行，因長期聚少離多，令婚姻出現問題，但煒哥每次都極力否認。

暫時未有新工作在身的煒哥，早前獨自到尖沙咀圓方行超市、買減價披肩，睇落好寂寞，實質好戲在後頭，原來煒哥約了一位年約五十出頭的中佬睇三級片《性人君子》，當發現記者，原本對住中佬甜笑的煒哥，即時嬲到彈開兼黑面。

其他影片

掃減價貨

剛拍完新劇《廉政行動 2014》的煒哥，最快要到十一月先有新劇開，難得有假期，加上老公經常要出埠傾生意，煒哥居然唔做跟得夫人，獨自留港休息。

早前記者發現煒哥薄施脂粉到尖沙咀圓方行街，首站去超市兜圈再兜圈，最後買包糖便埋單走人。之後煒哥轉戰 Zara，尾站於 H&M減價貨有收穫，買入平價披肩。

慳家陳煒鍾情減價披肩，望兩眼便埋單俾錢，買下一條披肩。

發現有人影相，陳煒收起笑容，與中佬一起背向鏡頭。

○八年下嫁做光管生意的台灣商人顏志行，兩人經常聚少離多，對上一次孖住出席公開活動，已是去年五月的仁濟醫院周年慈善晚會。

淡定解畫

對圓方情有獨鍾的陳煒，上星期再孖住友人到上址睇電影。

買到心頭好，煒哥往商場上層戲院方向進發，其間她突然三百六十度自轉四圍望，然後才步入戲院，站在隱蔽位置打電話。

十五分鐘後，一名身穿恤衫、西褲，年約五十歲的中佬急步走入戲院，之後走埋煒哥身邊。記者上前拍照，原本對住中佬甜笑的煒哥，極速彈開兼黑面，中佬表情亦大為尷尬，但兩人仍照原定計劃，入場睇下午五時十分播映的三級片《性人君子》。

對於同新歡睇三級片，煒哥事後淡定回應：「梗係唔係啦，係普通朋友！（點解咁緊張彈開？）見到你哋，仲唔彈開咩！」

煒哥對新歡一事見招拆招，但當提到同老公顏志行的關係，煒哥語氣頓時變得好冷淡，「（你同老公感情係咪出現問題？）冇冇冇，冇咁嘅問題。（成日都見唔到面？）冇問題吖，都係咁，我哋自然有自己嘅溝通方式……有自己維繫方法啦！」陳煒晦氣回應說。

同人唔同命

婚姻危危乎，煒哥事業同樣出問題。與同樣在亞視出身的萬綺雯，在無綫待遇差天共地。萬綺雯套套劇擔正做女主角，煒哥永遠做大茄、做反派，無論拍劇抑或做籌款節目，總被安排拋胸兼露肉。早前原本抽到好籌，有份拍添食再添食的處境劇《愛•回家》，但煒哥因為衰多口鬧《金枝慾孽貳》收視差，終辣㷫高層，煒哥角色最後由滕麗名頂上，令煒哥白白錯失拍處境劇入屋的大好機會。