家有家規 親女同月同日生 吳尊：我貪得意！

上週三（ 2日）吳尊出席新書《決定勇敢》發佈會，除了 90度角鞠躬向傳媒道歉外，更因過百名支持他的粉絲在場而不時眼有淚光，場面感人。台灣《蘋果日報》圖片

真面目

家有家規　親女同月同日生　吳尊：我貪得意！

本週四（ 10日） 34歲生日的汶萊型男吳尊，月初推出新書《決定勇敢》前一晚先自爆已婚兼係「一個幸福的超級爸爸」，消息一出即震撼中港台，更令唔少忠實的粉絲跌曬眼鏡。

自公開已婚人父身份後，吳尊不再收埋老婆林麗瑩和囡囡吳欣 X（吳尊只肯公開女兒半個名字），上週六（ 5日）在台北舉行的影迷聚會中更暢談初為人父的喜悅。原來 3年前吳尊親自擇日，選定女兒跟自己同月同日生（ 10月 10日）。吳尊接受本刊訪問說：「覺得天秤座是個相當不錯的星座，既然（預產期）跟我的生日這麼近，貪得意就 10年 10月 10日拿她出來啦！」

吳尊並沒有刻意公開婚照，只發放這張與老婆林麗瑩的合照，睇落都幾襯吖！

吳尊最近上載了於本週四（ 10日）便 3歲的囡囡（左）攞住樹枝喺沙上寫字相上微博，相中女兒肥嘟嘟好 cute！

名吳吉尊的汶萊型男吳尊， 04年出道開始絕少提及感情事，至上週推出新書《決定勇敢》，才真正決定勇敢，站出來將婚事公告天下。

焗瞓公主床

吳尊近年都主力健身室生意，電影已減產。年初上映的《忠烈楊家將》，係最觸動到吳尊嘅真實故事，他亦因此與伊健 friend咗！

「我現在是擁有錢都買不到的角色……一個幸福的超級爸爸。」吳尊在新書推出前一天，先在自家 blog率先披露已為人夫、父，字裏行間完全感受到吳尊的喜悅，翌日再在新書發佈會上再玩自爆，老婆林麗瑩將為他帶來第二個小生命， BB經超聲波檢查更證實是仔，湊成一個「好」字。

上週六（ 5日）吳尊在台灣心情大靚出席影迷會搞的生日派對，答問環節更有問必答，吳尊先透露囡囡的名字為吳欣 X，她更是和吳尊一樣，出生於 10月 10日。「我認為天秤座好好，可以在生活中取得平衡能力，這一點是很重要的！就像我嘛！」吳尊更不介意透露，同老婆係一擊即中！他更笑說囡囡連瞓覺都要黐實媽咪，故吳尊要「讓位」，近月瞓覺，就要瞓囡囡充滿公仔的公主床！

新書珍藏照大公開　戀愛篇

完成學業返回汶萊開始 Fitness Zone的業務生意，當時吳尊已拍住林麗瑩，夫妻檔齊齊上！

16歲初次往澳洲留學讀書，一個月唔夠喊住返汶萊，除咗掛住屋企人之外，吳尊透露同年跟老婆，即初戀女友剛剛開始拍拖，掛住老婆至係最大元素。

全書共 2百多頁，去到書尾終於有囡囡相，寶貝女的小手（右）拖住吳尊的大手指，父女愛盡在不言中。

家庭篇

吳媽媽在生時，每年都指定要一家人齊齊整整影大合照，呢張相吳尊至今都珍而重之。

吳尊一家人都好似樣，尤其係爸爸、大哥和吳尊都係餅印，出街實唔會走失。

大家認得吳尊嗎？雖然佢細細個已經好靚仔，不過睇身形真係唔知佢大個咗會成為大隻俊男。

事業篇

04年吳尊仲係留有一把長髮，去新加坡簽約做 model，冇耐就被睇中做埋演員了。

12年第 3間 Fitness Zone開幕，呢間係吳尊自己一手一腳設計，又係 fans朝聖地點。

老婆得 3版

吳尊新書《決定勇敢》只有三數版提到老婆和囡囡的事，其餘 2百幾頁都是吳尊從未曝光的珍貴照片，以及他的成長經過、創業過程、做人態度等，內裏更有不少名人語錄。從書中可看到吳尊的生意頭腦之餘，亦可見吳尊感性另一面。

澳洲造細仔

囡囡在 10年 1月，老婆往香港探吳尊班時製造，估不到即將出生的囝囝，亦不是在汶萊製造，而是吳尊拍完《忠烈楊家將》，今年 1月和老婆到澳洲度假時製造的！吳尊亦不介意向外界宣布囝囝將於今個月出世，更是家中第三個天秤座，吳尊會否再刻意做多一個 1010？「唔係啦！今次唔係 1010！出世後我會喺 blog同大家分享啦！」

鍾意就快D Share啦！

下一篇 》