黎瑞恩凸腩似有喜
黎瑞恩昨在上環舉行「黎瑞恩All For Love慈善演唱會」記者會，宣佈個唱將於下月29、30日在灣仔會展舉行。今次是小恩子繼02年的紅館騷相隔11年再開騷，她坦言起初口快快答應，曾想過縮沙，幸得老公老爺支持。日前小恩子扁桃腺發炎住院三天，提到她曾在個唱不慎跌落樓梯，她稱今次考慮改穿高踭長靴。
問到小恩子服裝會否性感？她笑說：「我驚嚇親人。」是否老公不准？她稱不是，如果露背都可以：「我呢排都有喼弗，平時肚腩成日俾人話有BB，𠵱家瘦咗8、9磅，再減我驚有皺紋，有少少肉好，話曬曾經係玉女。」又指老公及兒子等屆時捧場。小恩子稱會有很多嘉賓但拒透露，但孫敬安爆有周慧敏及關淑怡，還有天王、天後。不過小恩子的個唱海報長髮造型，竟和謝安琪某次宣傳相有九成相似。
採訪、攝影：溫敏芝
■黎瑞恩笑言答應開騷後曾想過縮沙。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|