怪手狙擊香 pat

初時 Steven同魏焌皓一齊抱起香香，香香都坐得好定，不過 Steven已開始笑淫淫……。留意！ Steven隻手已穿越咗個咕𠱸，貼實咗雙香腿喎！

FBI

怪手狙擊香 pat

《神鎗狙擊》熱播中，網友幾乎每星期都搵到新 point笑吓，上星期輪到點解徐子珊死極都死唔去！就算套劇收視一般，至少有嘢笑吓囉！

上週三（ 2日）《神鎗》喺商場搞咗個宣傳活動，為咗要展示班演員眼界身手有幾準確，大會安排咗佢哋玩射籃球。當香香負責射籃時，吼實香香好耐嘅張致恒（ Steven）就要同魏焌皓負責抱起香香，跟手香香就輕而易舉射啦！不過好戲在後頭。

當香香落地嗰一刻，魏焌皓明明已經放低咗香香，但 Steven唔知博乜死都唔放手，雖然香香 pat pat同 Steven隻手係有個咕𠱸隔住，不過咁搞法，個咕𠱸又點會唔移位吖？最終 Steven隻手有冇摸到香香 pat pat就只有佢哋兩個至知，與此同時魏焌皓放低香香嗰陣，手踭亦差啲撞到香香咪咪，好彩香香用手踭擋住咗。嘩，一個二個咁搞法，睇嚟真係只有「大隻仔」溫家偉最老實，冇亂嚟喎！

魏焌皓放曬香香落地，但 Steven都仲抬起緊香香隻腳，就喺呢個時候，個咕𠱸走位，而 Steven隻手就疑似摸到香香 pat pat喇！

最後魏焌皓嘅手踭亦唔覺意揩到香香，不過 FBI現場睇大家都應該係一時手忙腳亂，唔係有心抽香香水嘅！幫手整番好個咕𠱸，令香香同 Steven都冇咁尷尬收場。

鍾意就快D Share啦！

下一篇 》