高登女神大執位 翠如 BB贏獎失民心 翠如,黃翠如,MW,

媽咪姐

高登女神大執位　翠如 BB贏獎失民心

正所謂「天下武功出少林，香港女神出高登」，好多女神其實由高登網民推舉出嚟。早前論壇仲舉辦 2013年度第二屆女神選舉，經網友提名，以一人兩票方式投票後，結果終於有嘞！

冠軍人馬，登登登櫈，竟然係黃翠如。首次入圍即有獎攞，確係可喜可賀。不過好多網民直指上屆冠軍謝安琪先係真正女神，更紛紛留言抨擊賽果。今次翠如 BB贏獎輸民心，似乎有啲得不償失喎！

冠軍：黃翠如

上年排名：新上榜

形象又 true又 pure嘅翠如 BB，以兩票之差險勝上屆冠軍謝安琪，引嚟網民熱議。有人要求點票，亦有人另行再選，女神之名引人質疑。

亞軍：謝安琪

上年排名： 1（跌 1位）

謝安琪性感人妻形象備受高登巴打熱捧。今次阿 Kay失冠軍寶座，不少網民發帖抱不平。

季軍：黃心穎

上年排名：新上榜

同蔡一智猶如失散兄妹嘅心穎，竟然上到第 3位。爭議雖冇冠軍咁勁，不過有網民都唔多 like。

花旦大退步

第 13位：苟芸慧

上年排名：季軍（跌 10位）

靚苟變肥苟，好多網民怕油膩都唔敢投。大退步，實屬正常。

跌出榜：馬賽

上年排名： 18位（跌到唔知去邊！）

馬賽今年拍咗唔少劇，不過近日被影到當街咀女，性向成疑，直接影響網民觀感，「順利」飛埋出榜。

估你唔到

兩位退隱娛圈嘅玉女估唔到咁有影響力，今時今日仲上榜，媽咪姐都要寫個「服」字俾佢哋。

第 5位：蔣雅文

上年排名：新上榜

第 9位：林嘉欣

上年排名：第 13位（升 4位）

跌出榜：魯芬

上年排名：第 8位

豪爽又玩得嘅魯芬一度被網民暱稱做「小芬女」。不過今年魅力大減，連入圍都冇份。網民口味都變得幾快！

鍾意就快D Share啦！

下一篇 》