全城熱爆的娛樂八封新聞 & 時事趣聞 & 生活 + 趣聞
修哥返老還童，喺巴塞隆拿聖家大教堂前跳起，動作敏捷，活力十足，邊忽似 81歲呀？
無綫搵 81歲嘅胡楓、 77歲嘅謝賢同 67歲 Joe Junior去西班牙同葡萄牙拍攝《三個小生去旅行》，雖然好多人批評話《三》係抄韓國嘅《花樣爺爺》，不過無綫抄人橋都唔再係新聞了。《三》於周一（ 18號）晚正式播出第 1集，三個老頑童玩得比後生仔女更癲。觀眾完全可以感受到佢哋當時嘅歡樂氣氛。熄電視？可以睇埋呢個先嘅！
四哥同修哥兩個粵語片時代當紅小生，難得聚頭，有時講旅行、傾家庭、講兒孫。有時又互相鬥嘴，總之係火花四濺。
三個小生入鄉隨俗，齊齊學跳西班牙舞。
修哥話西班牙圍裙特別靚，而且款式好多。四哥（謝賢）仲話買咗條著咗好似裸體嘅款㖭。
