掃呢頁CODE去手機

2013年11月22日 星期五

捐錢、賣胸、全台晒冷台慶收視照跌




高海寧

媽咪姐

捐錢、賣胸、全台曬冷台慶收視照跌

本周二( 19日)晚,媽咪姐懷住一個矛盾嘅心情,手握電視遙控器,究竟開定熄呢?

其他影片

作為傳媒人,媽咪姐責無旁貸必定要開機,一開,完全預料之內。台慶表演冇新意冇深度,一如以往咁胡鬧。獎金獎品加碼到 7百萬有用咩?借捐錢為名搶收視又如何?即使加埋一眾女星曬料,搵埋平日密實嘅黎芷珊賣胸,又能吸睛幾多呢?呢種自欺欺人,又能撲熄阿叻嘅惹火言論咩?

無綫根本唔明白,觀眾針對嘅,唔只係電視霸權咁簡單,而係喺欠公義、冇選擇之下,依然被迫收看爛節目嘅憤怒。而事實再次證明,觀眾眼睛依然雪亮。根據無綫公布最新收視報告,台慶平均錄得 29點,最高呢,都只不過係 31點,可算係近年最差(詳見附表)。

有咁「好成績」,真係全賴大家眾志成城。多謝喺電視城門外抗議嘅你,感謝喺政總反抗霸權嘅你,仲有喺台慶夜堅決熄機嘅你……大家嘅一小步,係開放電視天空嘅一大步。呢個 46周年台慶,媽咪姐絕對唔會忘記。

眾女星奉命性感

近日阿叻大言不慚,搞到高層要諗計撲火,聽聞其中一個解決方法,就係要眾女星曬胸,台慶夜嘅打扮要比平時出騷時更性感。

沈卓盈

姚子羚

呂慧儀

朱千雪

密實芷珊都要露

黎芷珊主持《最佳女主角》時,密實到暈。但今次台慶佢都要局住賣大包,企圖轉移大眾怒火。

全台藝員曬冷

以往台慶唔需要全台藝員參加,不過今次突然下令全台曬冷,所有藝員必須喺台上坐定定唔准走開。

獎金獎品加碼

獎品有名錶、汽油、股份,甚至洋樓,係近年無綫出手最闊綽嘅一年。

捐 3百萬穀收視

無綫承諾如收視有 30點會捐出 3百萬,每多一點就會捐多 1萬。有慈善機構就發短訊,要求員工收看台慶以增加善款(上圖)。無綫亦遵守承諾,於周三( 20日)發聲明,表示會捐出 310萬予 7間慈善機構。

有心市民悼台慶

電視城內載歌載舞,企圖漠視民眾

訴求,電視城外卻有一班熱心市民帶備冥鏹示威,有餐廳亦自發性熄機,齊齊以各種方式哀悼台慶。

有市民戴上阿叻面具趴在地上,諷刺陳百祥早前嘅「跪回家」言論。

有茶餐廳自發性熄電視,反對電視霸權。

腳傷嘅長毛自備橫額及 CCTVB道具,要求開放大氣電波。

電視城外有市民撒溪錢(下圖),亦有人以吊臂車掛起輓聯,群情洶湧,一度要警察維持秩序。

其他影片


鍾意就快D Share啦!