掃呢頁CODE去手機

2013年11月22日 星期五

「牛仔」慳到盡 MW,




插圖: Wendy

揞名爆

「牛仔」慳到盡

公仔箱嘅「牛仔」入行多年,近年終於上位,依家勁多女冧㗎!佢廣告多咗,收入以幾何級數上,不過個人呢,就依然慳到你唔信!

嗱,平時固之然唔會好似其他男藝人去蒲去劈,寧願踢嚇波,或者上網做宅男。最估唔到嘅係,「牛仔」連生活小節都計到盡!好似有次佢返咗大陸拍嘢,有記者喺香港打電話俾佢,想訪問幾句。點知「牛仔」聽明來意後話遲啲答,就「嗱嗱聲」收線!記者見平時有問必答嘅「牛仔」竟然咁快 cut線,以為佢唔想講啦,已經打定輸數,諗住佢唔會回覆。

不過,一個鐘之後,記者竟然收到「牛仔」嘅 WhatsApp,話依家可做訪問。咁記者梗係勁開心,話不如打俾佢,方便講嘢!誰知「牛仔」反建議話電話費貴,不如用 WhatsApp嗰個錄音對話功能。結果,記者同佢就好似用對講機通訊咁,將問題同答案 send嚟 send去,都搞咗幾耐嚇!以「牛仔」今時今日嘅地位,連區區幾雞嘢長途電話費都慳,你都咪話唔經典。

邊個係「牛仔」?

1.外國讀書返嚟㗎!

2.高高大大。



鍾意就快D Share啦!