掃呢頁CODE去手機

2013年11月22日 星期五

兩個大美人一個鬆一個緊 MW,




皺得自然

蜜運中嘅關之琳心廣體胖唔少,面容飽滿之餘,眼紋亦多咗,不過咁嘅年紀,算係咁。

媽咪姐

兩個大美人一個鬆一個緊

娛圈靚人特別多,不過計自然美,都係舊年代嘅藝人吸引得多,至少冇整到一式一樣撞曬樣。

上禮拜,關之琳、李嘉欣相繼出席活動。論五官,兩位大美人冇得輸,不過話曬人到中年,眼紋、頸紋自然冇走雞,除非……有獨門招數啫!

51歲 關之琳 鬆弛

幸福雙下巴

歲月催人,年過 50嘅關之琳亦不敵地心吸力,面部皮膚開始鬆弛,下巴亦有下墮趨勢,變成雙下巴。

上周四( 14日),關之琳出動黑色 deep V裙出席開幕活動。戴住 400萬珠寶嘅佢, sharp到不得了。當日佢心情靚爆,被問到台灣富商男友陳泰銘嗰陣,佢表情多多,不過皮膚有啲鬆弛,仲現咗唔少眼紋、頸紋……歲月留痕,啱數嘅,好彩之之皮膚白滑,挽回番唔少分數。

43歲 李嘉欣 緊緻

周日( 17日),李嘉欣以「遊戲大使」身份出席「智樂遊戲萬歲日 2013」活動。一身便服嘅佢,身材依然纖瘦,面上亦冇多餘肥肉。不過相比關之琳,佢就異常緊緻,唔只冇雙下巴,蘋果肌仲夠曬實淨,連表情紋都唔多條。哈,唔知佢有咩計仔 keep到咁緊呢?

Tigth得離奇

李嘉欣嘅蘋果肌突出到暈,面部亦冇乜表情紋,講真,廿幾歲女都冇佢保養得咁好,媽咪姐真係好羨慕。

V煞下巴

李嘉欣下巴尖到 V煞形狀,無論正面、側面睇都係咁少贅肉,恨死隔籬!



鍾意就快D Share啦!