全城熱爆的娛樂八封新聞 & 時事趣聞 & 生活 + 趣聞
等足半個鐘，唐詩詠不斷玩電話打發時間，全程冇催過崔建邦。
由 05年就開始同崔建邦糾纏，足足 8年時間，一時散一時復合，男嘅換過幾次畫、闖過幾次禍、認過無數次錯，唐詩詠都仲係同崔建邦掟煲唔掟蓋。
個底花成咁，崔波波仲有本事令女友等佢半粒鐘都冇怨言，犀利！
前排《逃出生天》上畫，一度傳出唐詩詠變咗古天樂新歡，諗住唐詩詠終於有新歡，點知前排（ 10日） FBI喺尖沙咀嘉蘭圍撞到唐詩詠，坐喺佢架甲蟲車入面玩住電話咁等人。足足等咗半個鐘先見崔建邦施施然上車，老老實實，淨係架甲蟲車，同色同款同一架車，唐詩詠都已經揸足五年唔捨得換，何況係人？
