美妮妹爆楊怡當日搶花球好落力，之後仲拖埋男友謙謙上台，趕嫁啦好明顯。網上圖片
FBI
楊怡謙謙預演婚禮
上週四（ 21日）係好日，一晚幾頭婚宴要去， FBI八卦，揀咗斷估最多星到賀嘅張美妮婚宴。真係冇估錯，大半個無綫、小半個 HKTV藝員都到賀，真係好多星睇，滿足曬 FBI一顆八卦的心。
話說美妮係第 13期藝訓班學員，同學仔出名感情好，美妮破天荒不論男女都由班同學仔群出做姊妹團。嗱，除咗林峯齋去飲冇份做姊妹，各同學仔都齊人，包括今時今日地位非一般嘅當家花旦楊怡。
唔知係對住班老友玩得特別放、定係 34歲恨嫁過頭呢，搶新娘花球環節，楊怡特別落力，俾佢得償所願搶到花球，仲帶埋花球同男朋友羅仲謙上台同新郎新娘影合照添，兩個喺班熟朋友面前全冇避忌，唔講以為佢哋先係主人家囉！
|
鍾意就快D Share啦！
|
|
|
