TVB台慶餓死周麗淇 周麗淇,TVB,MF,

一到廣告時段，三位姐仔周麗淇、鍾嘉欣同田蕊妮即刻開餐， TVB出名冷氣勁，冇杯熱嘢飲確係難頂。

FBI

TVB台慶餓死周麗淇

萬千熄機賀台慶」上星期二「順利」過關，阿叻預咗唔使找數跪返屋企，不過亦多得佢挑機令收視比上年急跌 5點，冇咗 32萬觀眾，阿叻其實成功咗！

台慶啲衫又貼身又露肉，開騷前班姐仔邊敢食嘢，難怪周麗淇全程攬住個肚啦！

要繼續維穩保持一台獨大， CCTVB當晚出動全台可以動員到嘅藝人，不過真係有啲名氣嘅數來數去嗰幾個，係唔係「萬千星輝」就見仁見智喇！姐仔要幫手造勢，最辛苦當然係一班坐足成晚捱凍捱餓嘅花旦。 FBI見到好快簽做親生女嘅周麗淇同一姐鍾嘉欣孖住田蕊妮坐到悶，而且個騷又鬼咁長，忍唔住偷偷叫外賣頂肚，嗱嗱聲飲兩啖奶茶之後又要急急補番個妝。飲杯奶茶都要咁鬼祟， TVB有 29點令高層「非常滿意」嘅收視，真係要多謝呢班花旦捱餓撐場喇！

殼王硬曬

TVB新主殼王陳國強出名易惹桃花，就算後面成班花旦合照，殼王都係繑埋手，望都唔望。

鍾意就快D Share啦！

下一篇 》