2013年11月27日 星期三

港女瘋狂  MAMA慶功 P集郵  GD T.O.P引爆盛 Lady MF,




GD憑〈 Crooked〉奪「 Male Solo最佳舞蹈表演獎 Solo男歌手」,去到節目尾聲, GD率領 BIGBANG成員太陽、勝利及 T.O.P各自 solo,再以 BIGBANG hit歌〈 Fantastic Baby〉埋尾, high爆全場。

真面目

港女瘋狂  MAMA慶功 P集郵  GD T.O.P引爆盛 Lady

韓國最大音樂頒獎禮 Mnet Asian Music Awards( MAMA)上星期五連續第 2年喺香港舉行,搞到本地韓迷癲曬,連日死守機場等接機,又晨早入博覽館排隊霸靚位。

一如所料,萬人迷 G-Dragon一晚奪 4獎成大贏家,出席慶功當然成為風頭蠆,女賓客都爭住搵 GD「集郵」影合照。而 GD率領的 BIGBANG成員亦搞 high全場,引爆「盛 Lady」狂黐鍥而不捨,集郵 po上網呃「 like」!

其他影片
  • G-Dragon享受表演

慶功 P喺尖沙咀北京道一號 Aqua舉行,全場最受歡迎當然係 GD。但 GD出名斯文規矩,你睇明顯只係港女 fans主動挨實佢合照,而 GD只係微笑畀佢哋集嚇郵咋。網上圖片

太陽一向熱情勁識氹女,當晚一班港女要求同佢影相,佢唔單止來者不拒,隻手仲醒目搭實索女,女 fans唔 like爆就假。網上圖片

當晚有份頒獎嘅千嬅亦捉實 GD集郵,睇嚇 GD個樣幾調皮!之不過千嬅係人妻,所以甫士勁檢點,嘥曬!網上圖片

被集郵又點少得至高大靚仔嘅 T.O.P?呢晚一女二男 fans要求同 T.O.P影相,女 fans仲有「幸」同 T.O.P身貼身,眼神迷迷哋似乎飲大兩杯嘅 T.O.P任影,難怪相中人笑到見牙唔見眼。網上圖片

服完兵役嘅 Rain坐私人飛機抵港勁巴閉,呢晚佢雖然只係表演冇獎攞,亦都有去慶功,港女當然唔放過機會捉實 Rain影相。網上圖片

阿嬌前男友、少時 Jessica現任男友權寧一係 GD死檔, MAMA當晚佢除咗孖住房祖名去撐場,仲去埋慶功宴,同 BIGBANG各成員排排坐。網上圖片

長達 4小時的 MAMA頒獎禮有唔少精采場面,有啲更加係電視睇唔到,唔怪得即使門票最貴要$1,880都大把韓迷撲飛啦!

懶理 Aaron

郭天王攞到 Best Asian Artist- China最佳亞洲藝人,本地傳媒大讚佢跳得唱得,但已身為巨星的 BIGBANG當然唔會理天王係乜水, 48歲城城跳到露曬肚臍都引唔到做得佢個仔嘅 GD、 T.O.P同勝利,齊齊望地下。不過 G-Dragon好醒,完騷後即同城城合照,互相欣賞咁話喎!

賢勝摸籮

由泫雅同賢勝組成的 Trouble Maker演出比上年更激,賢勝公然摸泫雅靚股,香港歌手冇乜邊個做到。

唔見一件

奪「年度最佳專輯獎」的 EXO,攞獎時 12位成員唔見咁一位,原來係 D.O.表演嗰陣唔小心扭傷腳,即時入咗醫院。

EXO互撞

騷後記者會, EXO嘅中國成員 TAO同伯賢玩批踭撞來撞去,雖然有啲低能,但二人都係得嗰 20、 21歲,低能得起嘅。

千嬅抝柴

千嬅由於腳唔夠長,成日都鍾意著鬼咁高嘅高踭鞋出騷,呢晚佢就著咗對 5吋高踭鞋去記招,一出場就差啲拗柴撻低,好彩有驚無險。



鍾意就快D Share啦!
Related Posts Plugin for WordPress, Blogger...