全城熱爆的娛樂八封新聞 & 時事趣聞 & 生活 + 趣聞
行到半路大肚婆突然肚餓，兩公婆唔介意排隊，喺店外等候入座。
唔生仔嘅放肆大食，大咗肚嘅原來同樣為食。 43歲洪欣 4年前嫁俾內地演員張丹峰之後，張生不單錫老婆，連洪欣同莫少聰所生嘅 13歲囝囝張浩鋒一樣照顧埋，而且兩人話咁快就有愛情結晶品，真係可喜可賀。
早幾日，懷住 7個月巨肚嘅洪欣同張丹峰喺跑馬地拍拖行街，行行下，竟然肚餓喎。不過洪欣冇亂咁周街擦，反而拖實老公去附近拉麵店食嘢。啱嘅，大肚婆一切小心為上，正正經經食碗麵咪好囉！
懷孕 7個月嘅洪欣表示會開刀產子，日子未定， BB性別亦未知。現階段暫停工作待產，日前仲同老公手拖手行街。
洪欣比老公張丹峰年長 11歲，但女方保養得宜，外貌望落差唔多。
G.E.M.都好大食 講起對麵嘅熱愛，媽咪姐認第二冇人敢認第一。早前 G.E.M.出席「我的合味道工作坊」，除咗自製獨一無二杯麵之外，佢更獲贈一個 10人分量嘅特大杯麵。咦，咁係咪暗示 G.E.M.好大食呢？
