封城前最後一擊 MW,

兩人仲交換埋電話，不過嘉穎就未有過枱同曾勵珍打招呼，直頭視對方透明。

媽咪姐

封城前最後一擊

無綫無端端封城，搞到媽咪姐少咗個蛇竇，仲聽少咗是非。好彩臨封城前，媽咪姐都入城八咗兩單料，總算有功課交俾讀者！

鄭嘉穎當珍姐

近年鄭嘉穎自以為喺大陸走紅，就耍大牌、扮囂屎。之前仲有傳佢同伯樂曾勵珍反面，雖然佢例牌否認，但媽咪姐有圖有真相。

早前鄭嘉穎去咗電視城西餐廳開飯，其間佢見到監製何小慧，兩人企喺度吹咗一輪水，又交換電話又盛，傾得鬼咁 happy。但離奇在小慧當時正同珍姐同枱，小慧離枱同鄭生吹水，珍姐點會唔知？而身為後輩嘅鄭生居然冇主動行埋去珍姐度打招呼喎。原因唔使多講啦，你話佢哋冇不和，媽咪姐堅唔信！

監製何小慧同緊曾勵珍食飯，本來都好哋哋。

不過何監製一見到鄭嘉穎即主動過枱打招呼，嘉穎亦笑曬回應。

曾勵珍一向好關照鄭嘉穎，不過有傳開拍《寒山潛龍》時，鄭拒絕剃頭，因而激嬲珍姐，兩人從此交惡。

三個小生去煲煙

三個小生去煲煙？係咪講緊胡楓、謝四同 Joe Junior呀？大家誤會啦！媽咪姐講緊嘅係阿 Bob（林盛斌）、陳國邦同金剛。早兩日，媽咪姐咁啱撞到三位小生煲煙。正所謂「吸煙危害健康」，媽咪姐冇乜機會再入城，你哋好食少支煙，好好 take care啦！

Bob劇本送煙

近日密密接主持 job嘅 Bob，一邊扯煙一邊讀稿。哈，唔通咁樣入腦啲？

金剛煙仔煲粥

一放休息，金剛即急不及待扯煙講電話。不過媽咪姐見佢講多過吸，可能金剛都係借吸煙為名，打電話俾女友陳蕊蕊為實。

陳國邦飯後嘆煙

喺 canteen食完飯嘅陳國邦，孭埋袋出去露台食煙。飯後一支煙，加埋靚靚夕陽，仲唔快活過神仙咩！

鍾意就快D Share啦！

下一篇 》