李亞鵬新歡大起底 馮靜恩專釣小生 李亞鵬,熱門,李亞鵬新歡,MW,

拖手

李亞鵬離婚僅 72日，即跟奀星馮靜恩公然拖手攬啜。花心蘿蔔之名並非浪得虛名。

媽咪姐

李亞鵬新歡大起底　馮靜恩專釣小生

李亞鵬同王菲離婚只不過短短兩個多月，但佢嘅負面新聞、尤其同女人嘅緋聞愈揭愈多。

最近又有料啦！最新被李亞鵬「點燈」嘅，係客串過《春嬌與志明》嘅內地奀茄馮靜恩。日前，兩人被影到公然拖手攬啜，返女方屋企度春宵 11小時。唉，之前口口聲聲話愛王菲嘅李亞鵬，原來誓言當食生菜。不過，據內地傳媒所指，李亞鵬呢隻「老雀」大有可能陰溝裏翻船，事關馮靜恩亦非省油嘅燈。

擒啜

馮靜恩施展狼擒術，啜爆李亞鵬。

咆哮

因入閘卡屢插不準，李亞鵬借醉意喺女方屋苑門外咆哮，呼叫大堂保安。

培慾翌日

春宵後翌日，馮靜恩離開寓所時邊傾電話邊展現笑容。好開心。

王菲同李亞鵬 9月簽字離婚後，即搬離舊居，直到中秋節，兩人與細女李嫣跟親友食飯，兩人離婚後最後一次一齊露面。

王菲懶理

菲同李亞鵬搞掂離婚手續後，即跟李亞鵬斬纜，對李嘅一切不聞不問，更搬離北京避李亞鵬。有傳佢喺赤柱以 3千多萬買豪宅，跟老友趙薇做鄰居，索性長居香港。

I.T 25周年派對，童童（中）亦有出席。觀其一身打扮及 cool樣，甚有其父竇唯風範。

上兩星期，王菲（左一）親自去美國接童童（右一）回港，並將童童暫居陳家瑛家。

靠緋聞上位

比李亞鵬後生 17歲，今年 25歲嘅馮靜恩， 13歲加入娛樂圈，曾客串過《功夫足球》及《春嬌與志明》，但撈極唔起，喺內地娛樂圈名不經傳，擅於借緋聞炒作上位。所以李亞鵬呢隻「老雀」好大機會陰溝裏翻船，因為內地傳媒估計馮今次都會借佢上位。

馮靜恩屬於有樣有身材，無奈星途不濟，只得靠緋聞炒作上位。

近年佢靠跟「中國四大小生」之一何晟銘嘅緋聞開始被人熟識。

鍾意就快D Share啦！

下一篇 》