熱爆娛樂: 為接 job棄陪產　陳豪孖巨肚陳茵媺出巡茵媺,陳豪,陳茵媺,MW,

2013年11月29日星期五

為接 job棄陪產　陳豪孖巨肚陳茵媺出巡茵媺,陳豪,陳茵媺,MW,

11月 26日　 9個月巨肚

周二（ 11月 26日），陳茵媺獲老公接送到中環食飯。當晚佢拎住貴氣 Hermès手袋，挺住 9個月巨肚，一臉幸福。

媽咪姐

為接 job棄陪產　陳豪孖巨肚陳茵媺出巡

姑勿論做咗 C9或者係盛 lady嘅姊妹，睇呢篇文之前，記住帶定口水肩！

事關今期又係講娛圈金童玉女陳豪同陳茵媺（ Aimee）！周二（ 11月 26日），陳氏伉儷由大埔比華利山屋企出發到中環，媽咪姐以為佢哋去撐枱腳啦，誰不知只得 Aimee落車。原來 Aimee當晚有飯局，上咗附近一間私房菜食嘢。至於體貼老公豬呢，就揸番架車返將軍澳舊居，趁機同屋企人食飯。幾個鐘頭後，陳豪再度山長水遠出去接 Aimee。你話嘞，一個男人遊勻港九新界，全天候管接送喎，有幾多個做得到先？媽咪姐恨到半條口水肩都濕埋！

陳豪拎手袋

巨肚 Aimee都算身手矯健，上落車都唔需要攙扶，不過陳豪都主動幫佢拎手袋，果然係體貼老公豬呀！

收嬰兒用品

當晚 Aimee收到朋友禮物，由購物袋顯示，品牌為意大利嬰兒用品 Chicco，袋中應該係 BB用品。

笑笑口走人

TVB封殺我哋，不過陳氏伉儷依然 nice，臨走前都笑曬 say goodbye。

11月 20日　大埔遊車河

陳豪做柴可夫唔係一日半日或者 weekend嘅事，早前佢就專登揸車載 Aimee遊車河，等大肚婆鬱動多啲。

講番 Aimee吖，已經兩個月冇正式露面嘅佢，數下手指，原來懷孕 9個月，難怪個肚大到成個籮咁。據知，佢堅持自然分娩，預產期暫定為聖誕到新年嗰個禮拜。不過大家知啦，呢啲大時大節，我哋飲飲食食，班藝人就出騷賺錢。媽咪姐收到風，陳豪為賺奶粉錢，接落唔少聖誕新年騷，分分鐘撞正預產期，陪唔到 Aimee入產房㖭！

冇辦法啦，半世老婆奴，一生兒女債，為咗 Aimee為咗 BB，陳豪你要頂住呀！