慶祝密照曝光
今年 9月， Gaile與男友 Cuz在三藩市一齊慶祝生日，並齊齊整蛋糕，好 sweet。
滾熱辣
同居三藩市黎明屋 阿媽反對再婚 樂基兒引 Cuz入屋
去年 10月，黎明與樂基兒（ Gaile）宣布離婚，結束四年夫妻情， Gaile隨即爆戀上滑水教練 Cuz。兩人愛得火熱， Gaile除了間中返港𢱑銀外，其餘時間都與 Cuz出埠遊山玩水。拍拖一年多，二人近日決定將戀情昇華。
據知 Cuz已順利入住黎明送俾 Gaile、位於三藩市價值六千萬的獨立屋，成為新屋男主人，更三個月內兩度向 Gaile求婚。
愛情至上的 Gaile唔介意再婚，可惜一向不喜歡 Cuz的樂母極力反對，婚事惟有拖住先。上周四（ 12日）， Gaile出席活動時刻意自爆：「依家唔諗結婚住，因為有時有計劃都未必會發生！」明顯有弦外之音。
樂基兒搭上新西蘭老外 Cuz後，這一年來 Gaile都與男友享受人生，她亦經常在 instagram曬幸福，不時上載生活照，買餸玩煮飯仔、滑水滑雪、沙灘派對等，生活多姿多采。不過為免剃前夫黎明眼眉， Gaile亦好識做，禁絕所有與男友密照曝光。
黎明屋慶生日
本刊從特別途徑獲得 Gaile與男友兩張親密照。其中一張是今年 9月，兩人慶祝生日時所拍，蛋糕上寫著「 Happy Birthday Gaile and Denim（ Cuz全名 Denim Mchardy）」，密照中二人頭貼頭，非常煙韌。據知 Cuz是 9月生日，與 8月生日的 Gaile僅隔一個月，兩人今年齊齊在三藩市慶生。
記者發現密照的背景與早前 Gaile上載的廚房相不謀而合，原來 Cuz在當地沒有物業， Gaile順理成章安排男友住在黎明箍煲時所送贈，位於當地 Ruby Hill的六千萬獨立屋。
由於 Gaile間中會返港出席活動，獨留在三藩市的 Cuz平日也不會離開大屋，繼續留守當男主人。據知兩人近日有意安定下來， Cuz更向 Gaile兩度求婚，可惜未能成功。原來樂母一直反對女兒同 Cuz拍拖，更遑論結婚。知情者說：「黎明呢個女婿之前買屋俾 Gaile阿媽收租，𠱁到 Gaile阿媽好開心。呢個 Cuz就差太遠喇，做阿媽嘅，點會俾個女嫁呢種男人呢！早排 Gaile阿媽知道 Cuz同個女求婚，即時表明立場話唔贊成。雖然 Gaile心思思，但都尊重阿媽，暫時唔嫁住。」
instagram曬閒情
為了不讓前夫尷尬， Gaile絕對不會在 instagram公開她和男友的密照。不過對於平日閒情逸致的生活， Gaile就絕不介意曬冷，更洩露了她經常三藩市和峇里兩邊走。
朱古力𠱁未來嶽母
Gaile再婚一事雖遭煞停，但為了母親接受 Cuz， Gaile亦開始教 Cuz行嶽母政策。據知 Gaile阿媽最愛食黑朱古力，因此 Cuz最近外遊後，定必買幾盒高純度的黑朱古力做手信，孝敬未來嶽母。
Gaile亦不時在母親面前，大讚 Cuz細心，比前夫黎明更識得錫自己。據知本身在新西蘭修讀經濟學的 Cuz，正職是從事金融工作，教滑水只是為興趣。現時無業的 Cuz，平日除了陪食陪玩外，亦會送花送卡，𠱁得 Gaile非常開心。最近兩人共同報讀三藩市學校的設計課程，拍拖返學之餘，亦順道為 Gaile的「 Smoky Roses珠寶設計公司」設計首飾。 Cuz希望將生意搞好創一番事業，令樂母對自己改觀，接受自己。
與黎明關係轉差
Gaile為再婚鋪路，與前夫黎明關係自然愈來愈差。一向避談前夫的 Gaile，早前竟暗示與黎明再見不是朋友。黎明上周二（ 10日）生日， Gaile未有致電祝賀前夫，關係果然疏離。
上周四（ 12日）， Gaile到中環出席活動，心情靚爆。記者亦就再婚一事向 Gaile求證。
記：記者 G： Gaile
記：依家嘅生活係咪好開心？
G：其實我去到邊都開心，自己屋企人喺美國，會返去一齊過 Christmas。呢啲時間好開心！我依家嘅生活好 simple。
記：有人見到你喺三藩市同男朋友 Cuz一齊，仲買餸煮飯仔？
G：（冧笑）哈哈！係咩？買餸煮飯仔一定會，我買餸買咗十幾年喇！
記：係咪同男朋友一齊住？
G：呢啲唔會答！私人嘢唔答！
記：有傳你會同男友結婚？
G：唔諗結婚喇！（短期唔會？）長期內都未必會。
記：會唔會驚咗婚姻？
G：唔會驚。我已經結過一次婚，依家喺我個 mind裏面，家人、事業、感情都行先，所有嘢等佢自然發生，有時計劃咗都未必會發生。我依家 focus發展我嘅珠寶設計。
記： Leon日前生日，你有冇 send message俾佢？
G：冇！好耐冇聯絡喇！大家都有自己生活，冇必要就唔需要聯絡。
Gaile顧及黎明感受雖然否認再婚，但就表明「唔會驚」結婚，更自爆「計劃咗未必會發生」。看來 Cuz要盡快搞掂未來嶽母，讓結婚計劃「發生」先得喇！
|
鍾意就快D Share啦！
|
|
|