網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月20日 星期五

[忽然1周 960] 奪鋒戰終章 栢芝最後勝利 鍊贏嫩口 JM JM,張栢芝,栢芝,文詠珊,MW,




媽咪姐

奪鋒戰終章 栢芝最後勝利 鍊贏嫩口 JM

媽咪姐格言:「凡事都有可能」。好似謝霆鋒同 Janice Man( JM)兩個大纜都扯唔埋,但有本事可以傳出緋聞,兩位當事人仲事有湊巧咁,用「好朋友」嚟形容對方,令傳聞變到似層層。

正當大家等睇撈咗咁多年都只係 24歲嘅 JM,究竟用咩符弗成功俘虜霆鋒呢個硬漢,又或者諗緊點樣斷正佢哋拍拖嘅時候,程咬金又喺呢個重要時刻現身。所講嘅程咬金,之唔係前妻張栢芝囉!有網友發現鋒芝帶住兩粒仔同遊新加坡,栢芝仲搏到著低胸背心,發動原始武器降服前夫。其實栢芝有兩仔在手,一向都緊握同霆鋒見面嘅籌碼。今次佢趁「鋒 J戀」鬧得熱烘烘期間向霆鋒曬冷,擺明有人想阻止「鋒 J戀」蔓延。媽咪姐收到風, JM亦並非省油的燈,不嬲同時兼顧霆鋒及富二代男友,今次慘做輸家, JM一於疊埋心水,一心一意箍實男友算喇!

復合線索

周一( 16日),網上瘋傳呢兩張霆鋒同栢芝喺新加坡同一地點湊仔嘅相,鋒芝復合傳到啪啪聲。

經典回顧

多得偉大嘅同業們,令鋒芝每次傳出復合,大家都有機會翻 loop呢張遊艇會合體嘅經典圖片。

《蘋果日報》圖片

獅城新景點

帶住兩個仔暢遊新加坡近兩個月,栢芝已經成為當地景點咁滯,當地居民不停搵佢集郵,大家唔使去魚尾獅啦!

拉姑避談

早前拉姑帶鬍鬚 Kong去捧「左麟右李」場,其間被問到點睇霆鋒同 JM新戀情時,佢笑笑口避談。不過愛孫心切嘅佢,隨時為咗見孫而犧牲 JM。

栢芝媽風騷

早前本刊就發現栢芝媽喺九龍城同班老死喺茶仔吹水,佢仲突然趴喺車門,擺甫士影相,風騷得嚟重口味。唔知佢係咪收到風個女又再𢱑實大水喉呢!



鍾意就快D Share啦!