[壹週刊 1241] 孫老太打救活希兒 活希兒,M1,

孫老太出面，捉埋契女活希兒（右）同新抱仔 Sandee一齊食飯再影合照，話成件事係一場誤會，要幾騎呢有幾騎呢。

同你吟一吟

孫老太打救活希兒

中港攝影器材老闆孫大倫上月娶新抱，竟然俾上世紀模活希兒帶埋阿媽，自己仲著住同新娘一樣嘅婚紗，坐喺主家席搞咗場大龍鳳，新郎哥 Ryan之後嬲到響社交網站大鬧，話佢以後嘅人生唔想再見到活希兒兩母女。

活希兒著住疑似同新娘同款婚紗踩場，新郎哥 Ryan以「歷史上最踩場的賓客」為題，喺社交網站鬧爆活希兒。

點知第二日，孫老太就同記者講話條裙係佢借俾活希兒著，其實個款同顏色同新娘著住嘅唔同，仲話活希兒係佢契女。

唔只出口，星期一（十六日）契媽仲出埋手，拖住契女同新抱仔 Sandee去福臨門食「和頭 lunch」，孫老太順手澄清多次，話自己個仔 Ryan冇同活希兒拍拖，上次件事只係一場誤會，不過記者叫活希兒同 Sandee一齊影張世紀合照，兩個就扮聽唔到。係咪誤會，大家心照啦！

鍾意就快D Share啦！

下一篇 》