[壹週刊 1241] 童童搵曲婉婷 做扶手棍 曲婉婷,M1,

同你吟一吟

童童搵曲婉婷　做扶手棍

專登停學，請假由美國返港過聖誕兼陪媽咪嘅竇靖童，新歌《 Blue Flamingo》九月中喺 iTunes上架之後，一如過往，老媽子王菲俾 like，外間反應亦有讚無彈。

等咗個幾鐘，曲婉婷（左）終於收工，跟童童上王菲經理人架車，出發去食飯，童童開埋車門俾對方先上車，十分有禮。

童童心急，一早到咗酒店，坐喺大堂等咗一輪之後仲索性上埋房，陪曲婉婷做訪問。

王菲後繼有人，但承傳父母音樂細胞嘅童童似乎唔想靠天後阿媽護蔭，連佢首新歌上架 iTunes，亦係曲婉婷幫手搭路。

十六歲嘅童童，跟已經三張嘅曲婉婷年齡差一大截，但兩個十分啱 key，早排曲婉婷嚟香港做嘢，童童亦特登約佢食飯。二五話嗰日曲婉婷要同傳媒輪做訪問，但童童好心急，一早就走咗去酒店，喺大堂坐住等。

明明有個天後阿媽喺左近，童童偏偏捨近取遠，又係嘅，曲婉婷搞唱作又當時得令，搵佢做扶手棍，啱曬路數。

喺美國讀書嘅童童，上月專登請假停學，陪王菲返香港過聖誕。

寶貝女首新歌《 Blue Flamingo》九月上架 iTunes，王菲推介俾 like。

十六歲嘅童童舊年將原創嘅《 With You》放上網，一鳴驚人。

鍾意就快D Share啦！

下一篇 》