探熱針
重出生天 王晶射住 無綫特赦伍允龍
動作指導出身的伍允龍○七年跟鍾嘉欣合作電影《十分愛》撻著，戀情曝光後，無綫不單下令將他有份參演女友的第一個 MV場景刪走，連他有份出席公開活動的鏡頭，亦不能在無綫任何節目出現。被封鎖五年，伍允龍在經理人王晶出手相助下終於突破封鎖線，獲特赦之餘，明年更會接拍無綫古裝劇孭飛做男主角，隨時有機會與女友同劇出現。
暗招封殺五年
無綫中人透露，捱了十年，鍾嘉欣今年攞視後呼聲高之餘，連帶拍拖六年的男友伍允龍亦成功突破封殺令，有機亮相無綫。
「 Philip（伍允龍）拍拖件事爆咗出嚟後，嘉欣就俾樂（易玲）小姐照肺，仲話明要佢同二打六分手，搞到嘉欣情緒低落。 Philip以為同嘉欣拍嘅 MV俾人剪走啲 shot就冇嘢，點知之後佢出公開活動，無綫都將佢啲鏡頭刪走曬，總之佢個樣唔可以喺無綫任何節目出現。」知情者說。
無綫暗招封殺伍允龍五年，直至今年八月，鍾嘉欣處女開騷，成為王晶愛將，在新戲《惡戰》孭飛做男主角的他，才敢光明正大捧女友場。
「王晶同老闆（陳國強）咁多年朋友，大家都會俾面對方，之後仲斟埋伍允龍入 TVB拍劇，公司而家都冇打得嘅小生，所以對雙方都好；套劇未定曬卡士，不過好有可能同嘉欣合作，楊怡同羅仲謙都咁公開，佢哋呢 pair都唔需要點避忌。」一名無綫人透露。
經理人寫包單
對於愛將被無綫陰招封殺多年，王晶笑住回應：「有我喺度，邊個仲夠膽封殺佢。」
有關拍無綫劇一事，王晶說：「珍姐（曾勵珍）係有同我傾過拍劇嘅事，但都係好初步，同嘉欣合作冇問題，最緊要係時間配合到，我知佢好多劇喺身，呢啲都係等無綫安排。」
無綫特赦，有機會拍劇的伍允龍表示一切由王晶決定。「有機會梗係爭取做好啲。（有機會同嘉欣合作？）拍劇拍戲都好，老闆導演安排邊個女主角，我都一樣盡力去做。」
皇親國戚
朝中有人好辦事，陳國強入主無綫後，與他相識多年的阿叻及被指是無綫幕後總經理的曾志偉，不時安插自己友入無綫做節目、拍劇，至於跟殼王是大學同學的王晶，更將手上的伍允龍起死回生。
陳百祥 狄易達
與殼王老友的阿叻，自殼王入主無綫開始做埋幕後軍師，亦帶挈「漢傳媒」旗下的狄易達被力捧，上《勁歌》、做收費台《安樂蝸》主持，甚至在《潛行狙擊》擔當一角，在無綫曝光率激增。
|
鍾意就快D Share啦！
|
|
|
