全城熱爆的娛樂八封新聞 & 時事趣聞 & 生活 + 趣聞
超欣骨架好亦識著衫，過多兩年應該追死仔。
上星期四（十二月十二日）晚，何鴻燊四太梁安琪喺澳門舉行一年一度慈善拍賣晚宴，最得寵嘅細女超欣，當晚啱啱由英國返到嚟，一落機就趕去晚宴撐場。
俾老豆何鴻燊讚咁多個女之中「最靚」嘅超欣未夠十四歲，但人高腿長，個樣亦愈大愈清秀，再過多兩年，大有可能一如佢老豆所講，係何家千金至靚。 女大十八變！睇超欣嘅走勢，三房超蓮隨時會被拋離，繼爭權爭身家後，另一幕應該係鬥靚。
超欣陪四太一齊同八姑娘何婉鴻合照。
當晚做嘉賓嘅阿佘獲四太豎起手指公讚，坐埋枱仲即刻介紹佢俾霍老爺識，甚得四太歡心。
