網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月25日 星期三

[FACE 344] 冇得留低 林志玲踢走杏兒法拉 張智霖以德報怨拍《衝 II》 張智霖,林志玲,MF,




上週五( 20日)出爐視帝黃子華主演的《 My盛 Lady》大結局飯局上, Chilam不請自來,仲同子華攬攬,行動證明一切啦!網上圖片

真面目

冇得留低 林志玲踢走杏兒法拉 張智霖以德報怨拍《衝 II》

上週一( 16日)舉行的「萬千星輝頒獎典禮」,無綫破天荒將視帝頒畀冇到場的「外人」黃子華,「義氣仔女」張智霖自然頂住度氣!

無綫雖然好識做將壓軸獎「最受歡迎電視男角色」獎頒畀 Chilam,不過安慰獎都撲唔熄張智霖把火。做唔成視帝,但大方 Chilam不但出席子華的《 My盛 Lady》結局飯局,更落實會繼續參演《衝上雲霄》電影版,不過法拉和杏兒就保唔住,被林志玲一腳踢走,做電影版女一囉!

上週一( 16日)的頒獎禮上, Chilam失落於視帝寶座,唔緊要啦,全民投票都投你,邊個至係米飯班主, Chilam你懂的!

已經 42歲的張智霖愈老愈嫩,自今年 7月簽約蕭定一的「中國 3D數碼娛樂有限公司」後,人氣愈升愈高,加上《衝上雲霄 II》的 cool魔效應, Chilam風頭可說是一時無兩。

怨氣衝天

原先 Chilam坐定粒六得視帝,誰不知一個唔該頒畀冇嚟的黃子華,難怪 Chilam上台領「最受歡迎電視男角色」獎時直言:「係咪即係代表 TVB唔鍾意我呢?點解全民投票我先攞到嘅?」

Chilam一心於月初攞完在「 TVB馬來西亞星光薈萃頒獎典禮 2013」上,連擸最喜愛 TVB男主角《衝上雲霄 II》和最喜愛 TVB角色獎後,返港可再下一城,可惜事與願違。「 Chilam出道咁多年,其實拍過唔少電影、電視劇,即使以前套《十月初五的月光》,都冇為佢帶嚟咩獎項。今年套《衝上雲霄》 hit到咁, Chilam都以為自己可以喺演藝事業上破蛋,點知臨尾都撻 Q。」 Chilam身邊人說。

曾經同老婆打賭的 Chilam,結果輸咗視帝,惟有遵守承諾,送鑽石鈪畀老婆,睇嚇靚靚個樣幾得戚!網上圖片

《衝上雲霄》電影版女角會大執位,法拉同杏兒都冇份再同 cool魔再續前緣,咁 cool魔咪突然冇咗個妹?《蘋果日報》圖片

古仔加入

有指《衝上雲霄 II》反應熱烈,邵氏正籌備開拍電影版,更想盡量用回原班人馬,而男主角方面,中國 3D數碼娛樂有限公司老闆蕭定一向本刊透露 Chilam會「以德報怨」,繼續參演;而吳鎮宇初步亦已傾掂酬勞繼續扮機師,再加另一型男古天樂齊齊做機師已經相當有睇頭。

女角方面,由於陳法拉已跟 TVB斷約,加上年初拍攝時因遲大到與劇組鬧不和,埋班拍電影版機會幾乎係零;杏兒則因檔期問題未必拍到,據知邵氏方面惟有向外發展,正密斟台灣的林志玲和國內的高圓圓埋班。

在台上 Chilam說「會及時出現嘅義氣仔女」,睇怕義氣都即將面臨會用完的一日囉。

志玲圓圓埋位

新戲換上「台灣第一名模」林志玲同國內的高圓圓,志玲冇演技都仲有樣睇,圓圓就拍過唔少電影,有曬信心保證。

古仔加 Sam哥

吳鎮宇自從 04年同古天樂合作過一次之後都冇再碰面,今次有機再聚頭,唔知有咩火花呢?《忽然 1周》圖片

蕭定一:唔會搞對抗

雖然 Chilam失落於視帝竇座,但係「義氣仔女」張智霖又點會因此而罷拍 TVB劇?中國 3D數碼娛樂有限公司老闆蕭定一向本刊拍心口,「我哋會以德報怨, Chilam一定會拍《衝上雲霄》電影版。一向同 TVB關係都好好,唔會因為呢件事而搞對抗。放心,即使攞唔到視帝都一定會拍。」老闆開到口,觀眾們唔使擔心冇咗 cool魔啦!

未正式加入阿一旗下, Chilam已拍住女神劉心悠拍咗套〈天生愛情狂〉,票房都有 560萬㗎!

2014冇得停

Chilam《衝 II》個勢真係好行,工作接都接唔曬,早前佢就去咗麗江同老婆袁詠儀一齊拍內地劇。據知 Chilam亦已答應農曆新年後會接拍另一套內地劇搵人仔,而明年亦會再搞紅館個唱,加上仲有大量商演接落, Chilam2014年睇怕識分身都唔掂喎!

開 part 2

入行 20年, 11年 Chilam終於在紅館開 2場演唱會,當時反應超級熱烈,據知唱片公司有意明年再替 Chilam開 part 2。

接內地劇

Chilam於 10月底到過麗江一轉,為內地劇《龍門鏢局 2》客串一場,並與女二李倩合照。網上圖片



鍾意就快D Share啦!