網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月25日 星期三

[FACE 344] 《 My盛》發威  Benz雄:攞劇本就知會爆! Benz雄,許紹雄,MF,




Benz雄攞「最佳男配角」,他表示:「事前冇通知過㗎!真係嗰刻先知,間唔中(頒獎禮)都要蒲嚇頭嘅!」

搜尋氣

《 My盛》發威  Benz雄:攞劇本就知會爆!

《 My盛 Lady》高收,除咗令子華唔到都攞視帝,亦令許紹雄( Benz雄)撈咗 40年,終於憑 Kenji哥一角攞「最佳男配角」,台上 Benz雄力撐無綫,叫人唔好熄電視,以為佢係保皇黨,實情佢好撐王維基。

自稱「唔使擦 TVB鞋」嘅 Benz雄又自認全 TVB最懶,家住千萬西貢斬竹灣村屋,最怕戲分多。 65歲 Benz話:我想多啲時間陪屋企,同佢哋去旅行。

其他影片

黃子華攞視帝,有人戥張智霖唔抵。不過 Benz雄就話:「我梗係想子華攞啦,大家同劇嘛!江美儀攞我又開心。佢有實力好耐啦!」

我唔係因為攞獎而擦 TVB鞋,我使鬼擦佢鞋咩!我又唔驚冇嘢撈,出面返大陸拍劇都得。我啱啱先喺大陸完咗套劇,都有成 10萬一集嘅!每日做 12個鐘,由化妝開始計。夠鐘就收得,劇本又齊。不過喺香港拍,我可以成日返屋企呢樣最緊要。老婆同個女一年去幾次旅行,呢幾年我都撞唔啱時間,我真係好想同佢哋旅行,佢哋先係最重要。

Benz雄有價有市,不過佢𠵱家最想同成家去旅行,下年暫時只拍《使徒行傳》一套無綫劇。

發牌其實係政府問題啫!我支持發牌㗎!我一早話王維基係救世主嚟!起碼將盆死水搞番生。當時佢有人打過畀我,佢畀個好高價錢我,都有兩倍價錢㗎,但我話可能到時我嗰價仲高呢?所以冇簽到。以前喺無綫大家無分彼此,但𠵱家公司大咗始終會唔同。我唔覺冇人情味,只不過公司大咗啫。老人家(甘草)嘅就到咪就囉,但其實班一線姐仔、哥仔你估唔辛苦㗎!每日 06到廿幾。邊個辛苦咪就邊個囉!

當年拍《野蠻奶奶大戰戈師奶》有傳 Benz雄同汪明荃不和,原因係 Benz雄最憎對稿,而阿姐又出名認真。 Benz雄話:「滑曬牙就唔好睇啦!」

《 My盛》我一攞個劇本就知爆啦,子華同我都冇乜改到劇本,我冇減肥㗎,幾十歲減乜鬼!無論拍咩種類嘅劇,反應最緊要,對稿對得多,大家就滑牙唔好睇㗎啦!我承認我係 TVB最懶㗎!我通常埋位對一次,有時唔使添。下年加戲?挑,話之佢啦!唔好加咁重添呀!咁辛苦做咩呀!



鍾意就快D Share啦!