毒豬皮mask敷爛面
【記者周詠欣報道】聖誕扮靚敷死豬肉上面？明天聖誕節，不少愛美女士都會努力護膚，以最美一面示人，最近在南韓熱爆的DIY新鮮豬皮面膜，吸引不少網店紛紛推出自家製產品，引起港女搶購潮。本報將五款即製的豬皮面膜交予學者檢測細菌含量，發現所有樣本嚴重超標，含細菌群落均超過二百粒，更以大腸桿菌為主。該學者擔心，面膜可能由死豬或病豬肉製成。醫學界人士稱，亂把動物脂肪敷在面上極危險，除會導致皮囊發炎外，細菌更可能進入體內。
豬皮面膜聲稱以新鮮豬皮製成。
不少愛美女士以「新鮮豬皮面膜」敷面，希望以最佳狀態迎接佳節。（設計圖片）
亂把動物脂肪敷在面上極為危險，可導致皮囊發炎。
梁浩文指，五個測試樣本發現的細菌以大腸桿菌為主。
網上有不少聲稱「即買即煮」新鮮豬皮面膜出售。
女士唔試
陳小姐（市場營銷）：聽過上網有呢種面膜賣，但一定唔會試，覺得好唔衞生，希望政府喺呢方面多加監察。
梁小姐（大學生）：對內地產品冇信心，擔心面膜有好多病菌影響健康，自己平時都唔會喺網上買化妝或護膚品。
大腸桿菌多到數唔到
最近南韓一個綜藝節目，一名皮膚白滑的四十多歲女士公開其護膚秘訣，聲稱以新鮮豬皮自製面膜敷面，具有滋潤皮膚及除皺功效，更透露製作過程是先把豬皮煮熟切碎，然後用冷水洗淨重煮，切成小塊後放進榨汁機中，加入果汁攪拌，待冷卻凝固後便可使用。自南韓掀起豬皮面膜旋風後，不少內地網店亦代客製造豬皮面膜，每瓶售價十元至四十元人民幣。
本報記者日前在網上購買五款即製的豬皮面膜，一開蓋便傳出陣陣臭味，面膜為泥狀，呈泥黃色；說明書聲稱將面膜敷面四十分鐘後，用水洗淨便可。記者隨後將五款豬皮面膜交予浸會大學生物系教授翁建霖及梁浩文博士，檢測細菌群落數目，發現所有樣本均嚴重汙染。根據內地《化妝品衞生規範》化妝品不可含有糞大腸菌群。
「五個豬皮面膜樣本，冇一款可以用，全部都唔適用於皮膚，當中樣本二同樣本五嘅細菌群落數目，更加係多到數唔到咁多，以大腸桿菌為主。」梁浩文指，以微生物角度來說，若細菌群落為二十至二百粒，屬可以點算及信任的範圍，可粗略評估樣本內的細菌數目，「但好似今次呢五個樣本，（細菌群落）全部超過二百粒，去到一個唔可以數嘅情況；我哋已經將樣本稀釋一百倍，但都唔能夠達到可信任嘅範圍內，反映樣本汙染程度好嚴重。」
內地製造 恐用病豬死豬
翁建霖則指，護膚品應在高溫、無菌的情況下製造，否則在面上使用會非常危險，「用豬皮就咁煮一個鐘，嗰刻係殺咗菌，但之後整面膜時無消毒，一樣冇用。佢哋用新鮮豬都好啲，最擔心係死豬，或者有病豬都唔知。」
記者亦發現網上有買家留言，指敷豬皮面膜後，皮膚愈來愈差 ，且長出暗瘡；有的更指因面膜太臭，要塞住鼻孔才可「敷Mask」。
皮膚科專科醫生侯鈞翔表示，曾接觸使用豬皮面膜的病人，她們敷面後皮膚變得紅腫，「豬嘅細菌好易透過傷口、毛孔、黏膜入侵皮膚，特別係有動物成分嘅面膜，易令毛囊發炎。」他指不少病人發現皮膚紅腫後，誤以為是皮膚乾燥，不斷塗潤膚霜，此舉只會令毛囊更閉塞，「如用完覺得又痕又腫，應該用清水洗面，唔好再搽任何護膚品，盡快求醫。」
立法會議員梁家騮稱，現時本港未有法例規管內地網上進口美容產品。海關稱，自一一至一三年十一月間，接獲五宗有關美容面膜的投訴。根據《消費品安全條例》，任何人如進口、製造或供應未能符合一般安全規定的消費品，首次定罪最高可被罰款十萬元及監禁一年。
記者聯絡有關網店，惟截稿前未能聯絡上。
豬皮面膜聲稱以新鮮豬皮製成。
不少愛美女士以「新鮮豬皮面膜」敷面，希望以最佳狀態迎接佳節。（設計圖片）
亂把動物脂肪敷在面上極為危險，可導致皮囊發炎。
梁浩文指，五個測試樣本發現的細菌以大腸桿菌為主。
網上有不少聲稱「即買即煮」新鮮豬皮面膜出售。
女士唔試
陳小姐（市場營銷）：聽過上網有呢種面膜賣，但一定唔會試，覺得好唔衞生，希望政府喺呢方面多加監察。
梁小姐（大學生）：對內地產品冇信心，擔心面膜有好多病菌影響健康，自己平時都唔會喺網上買化妝或護膚品。
|
鍾意就快D Share啦！
|
|
|