全城熱爆的娛樂八封新聞 & 時事趣聞 & 生活 + 趣聞
垃圾桶上簽名 阿嬸搵四哥簽名，佢完全冇托手踭，仲「紆尊降貴」，以垃圾桶當枱面，喺上面簽名。
《三個小生去旅行》都算好帶挈！謝老四謝賢早排仲數臭 TVB，話呢個節目勁孤寒，日日朝早 8點起身就係咁拍冇停過，又要佢出動私夥衫同鞋，不過最正都係四哥爆粗鬧 Joe Junior嗰段片，好睇過節目。
四哥雖然火爆，都有溫柔一面。早幾日媽咪姐喺機場撞到四哥，就見有位阿嬸工作人員問佢攞簽名。查實當時四哥同朋友喺室外「打邊爐」，不過見有老友記 fans拎埋紙筆，冇理由拒絕人，於是就貪方便，喺垃圾桶面上簽名，𠱁到阿嬸不知幾高興呀。
四哥接受 now節目王賢誌訪問，笑言《三個小生》係全靠自己一段幕後爆粗嘅片段在網上瘋傳，才幫助收視，他更自嘲今次是鹹魚翻生，點都好，都要多謝呢個節目。
阿嬸手執四哥親筆簽名，個樣勁滿足，仲叫媽咪姐影四哥相，但四哥就唔多願意。
之後四哥同媽咪姐講：「食緊煙呀！咪鬼影啦你！」竟然冇講粗口喎！
