Mandy向前輩利智致敬，以一件中門大開的泳衣拍同一個上水鏡頭，擁 34C的她輕易夾出殺人胸器。
探熱針
挑戰利智 Mandy Lieu濕曬 34C人間胸器
陶傑處男下海執導新戲《愛。尋。迷》，成功氹掂羅霖、 Mandy Lieu以及新人盛朗熙獻出第一次熒幕床戲。
繼早前半百羅霖肉搏關楚耀、令過氣人妻榮升宅男眼中極品中女，另一女主角 Mandy同樣去到盡，著泳衣下水濕曬 34C人間胸器，越級挑戰當年 G奶利智，水乳交融經典一幕。
熟口熟面
正所謂橋唔怕舊，最緊要對啱宅男胃口。
Mandy Lieu在新戲《愛。尋。迷》，奉命著中胸泳衣下水。濕身，已經夠曬幻想「胸間」， Mandy再扶住梯邊行上岸，芙蓉出水，濕曬 34C人間胸器。
畫面其實似曾相識，早在九十年代， G奶利智已經試過，在王晶執導之作《靚足 100分》中，利智同樣著上黑色泳衣，撥髮夾胸行上水，成為上世紀經典好波畫面。
話剝就剝
要越級挑戰前輩， Mandy勝在身材大細勻稱，加上導演陶傑寫包單，畫面絕對美而不淫， Mandy無後顧之憂，自動剝衫就位。
「我氹女角剝衫，其實冇乜特別技巧，我寫作出身，寫一個有吸引力嘅劇本係我最基本要求，我係用劇本打動佢哋。」陶傑說。
用文字氹人剝，其實陶傑起初只係五五波。
「我有擔心佢哋唔肯剝、唔肯性感，但睇完劇本之後，冇人 say no，因為個個都鍾意個古仔，仲有係相信我本人，我拍嘅床戲唔會低俗，我係用人格擔保，一定拍得有美感。」
插入六四事件
以三對男女愛情故事作為電影骨幹，床戲、濕身只係鹽花，陶傑最想帶出時下港男港女對愛情睇法。
「藉住三對男女主角嘅故事，我有信心可以將全香港各階層嘅男女一網打盡，每個人都可以喺戲入面，搵到似曾相識嘅畫面。」
陶傑更推介其中一場， Mandy跟密友大談婚姻見解一幕，亮點不是 Mandy件低胸衫，係帶出港女們不切實際的婚姻論。
「結婚有如搭火車，就算發現搭錯車，都冇得返轉頭，跳車咪盞死，個個結咗婚嘅女人，都以為自己冇揀嗰個係最好，呢個諗法錯曬，邊個敢寫包單冇揀嗰個唔會出去滾呀，就算搭錯車，咪將錯就錯囉！」
認同不認同也好，起碼陶傑會在戲中加入八九六四及七一遊行等，港人不敢回憶未敢忘記的畫面：「我絕對唔會迴避呢啲大事件。」陶傑說。
|
鍾意就快D Share啦！
|
|
|
