2014年1月24日 星期五

[壹週刊 1246] 霆鋒掟樓交換 栢芝帶仔返港團年




霆鋒作主,安排兩子到新加坡升學,但報讀國際學校及興趣班,都由栢芝一手一腳負責。(《 Face》圖片)

探熱針

霆鋒掟樓交換 栢芝帶仔返港團年

一度帶埋兩個仔到溫哥華定居的張栢芝,兩個多月前忽然轉軚移居新加坡,並安排 Lucas及 Quintus在當地升讀國際學校。據知,今次安排兩兄弟到新加坡升學,全是老豆謝霆鋒主意,他更在當地買下一個約值港幣二千萬單位,安頓三母子入住,用錢換話事權,令有出無入的栢芝答應月底帶仔返港,同嫲嫲拉姑團年。

拉姑唔捨得

為氹拉姑開心,栢芝應承霆鋒帶兩子返港過年。

去年六月,栢芝無聲無息帶住 Lucas同 Quintus移居溫哥華,一走四個月,冇得見孫仔的拉姑忍唔住公開哭訴,連細女謝婷婷亦幫口話掛住兩個姪仔。

「阿爸阿媽係霆鋒同栢芝, Lucas一出世就成為傳媒焦點,栢芝覺得個仔喺香港冇自由,反而喺溫哥華無拘無束得多,嗰段時間栢芝帶住兩個仔周圍去,三母子好開心,加上佢家姐住響當地,就算將來栢芝再拍戲,都有家姐幫手睇住兩個仔。」栢芝身邊人說。

有齊全盤計劃,栢芝隨即幫兩個仔搵學校,更在家姐戴碧芝所住的溫哥華素里市,購入一個市值五百多萬港元的物業,打算長期定居。

「去溫哥華要坐十幾個鐘飛機,忙到冇氣抖嘅霆鋒想探兩個仔都好唔方便,拉姑就更加心噏,好掛住 Lucas同 Quintus。本來喺溫哥華已經搵曬學校,六歲 Lucas讀小學,三歲嘅 Quintus亦報咗幼兒中心,但拉姑不停喊咁口話想見兩粒孫,霆鋒夾喺中間左右做人難,唯有打電話叫栢芝返香港。」知情者說。

二千萬新居

去年十月,栢芝終於帶同 Lucas同 Quintus返港,霆鋒亦趁大好機會,跟前妻面對面講數。

「霆鋒係想兩個仔喺香港讀書,之前栢芝透過教友鄧萃雯張堅庭幫口, Lucas插班入讀基督教國際學校,但件事俾記者寫咗出嚟,學校即刻話唔收 Lucas。」

想到兩個仔留在香港讀書始終會有問題,霆鋒於是退一步,安排三母子到跟香港距離不遠的新加坡,明知前妻冇收入,又主動提出生活費加碼,再俾多二千萬在當地買樓,安頓三母子。「霆鋒出曬錢,無非係想有話事權。而家栢芝已經應承月底帶兩個仔返香港,同拉姑霆鋒團年。」知情者說。

Lucas同 Quintus上興趣班,一樣逃唔過網民法眼。

以前只會煮罐頭餐的栢芝,專登為兩子學烹飪。

在新加坡反璞歸真,栢芝每星期都到「社區服務志願組織」做義工。

每行一步都有目的的霆鋒,婚變後變大廚,為旗下餐飲業打鑼外,更以高價酬勞為內地電視台做飲食節目。

買樓安頓好栢芝三母子的霆鋒,去年十二月曾到新加坡探仔。

億萬星爸

近年栢芝事業一沉不起,零 job零收入,養大兩個仔責任,唯有靠曬謝霆鋒。三母子背靠大水喉衣食無憂,多得霆鋒多年來投資有道,物業總市值,多過前妻一大截。



鍾意就快D Share啦!