[忽然1周 966] 九星報喜 馬上 happy過 fun年 MW,

媽咪姐

九星報喜　馬上 happy過 fun年

話咁快，媽咪姐又同大家一齊送蛇迎馬！呵呵，咁 happy梗要搵多幾個大明星同大家拜個年，齊齊快馬加鞭，行好運喇喂！

其他影片

謝安琪　快樂 B餐

估唔到大學讀美國研究嘅謝安琪，寫毛筆字都認真又有力。佢仲同媽咪姐一樣，覺得最緊要開心，臨尾仲送連串笑聲俾《忽周》讀者。呢個 B餐真係 cute爆！

容祖兒　天後多心

天後容祖兒講起賀年說話，抑揚頓挫，仲要停唔到口，心多多，勁開心！ Good吖，師兄劉浩龍對你一條心咪得囉。

張智霖　馬主出手

啱啱同老友城城齊齊做馬主嘅張智霖，諗都唔使諗就喺紅紙上大筆一揮，講到明想大家馬年大旺。 Chilam，咁你要俾多啲貼士喎！

喬寶寶　 Turbo財神

黑皮黃心嘅喬寶寶著起財神衫，竟然出奇咁夾喎。佢仲連珠炮發，講咗 N咁多句賀年說話，最襟撈財神仲唔係你！

張敬軒　慢工出細貨

身為創作歌手嘅張敬軒，原來寫得一手好字！佢真係全神貫注慢慢寫，好認真㗎，抵讚！

G.E.M.　熱鬥小馬

喺《我是歌手 2》爆紅嘅 G.E.M.鄧紫棋，祝大家旗開得勝，可見鬥心幾咁強！各位，學嘢嘞，馬年加大油！

薛凱琪　鬼鬼馬馬

英文好過中文嘅薛凱琪，祝大家 horse year快樂！仲加送粉紅馬一隻，大家千祈唔好認錯係豬呀。

鄺美雲　大師加持

社交界代表鄺美人手持師傅星雲大師墨寶、祝大家駿程萬里、馬到功成、馬上發財！媽咪姐唔貪心，希望馬年買隻戒指仔有 Cally嘅一半咁閃就好嘞。

Joey Tang　父子同心

咪睇太極嘅 Joey Tang（鄧建明）平日成個憤怒 rock友咁款，查實佢結咗婚仲有個醒目仔 Justin㖭！今次兩父子合作畫畫， Joey全程跟住囝囝指示（連填乜色都有問㗎！），終於完成呢幅馬力十足嘅賀年畫，好溫馨呀。

其他影片

鍾意就快D Share啦！

下一篇 》