喺韓國所到之處，受到粉絲歡迎，自不然又要擺出其招牌手勢。
出外埠
成龍亂噏 網友圍插
成龍話曬都叫做「國際明星」，可惜不時開口夾著脷，言行舉止真係失禮街坊。呢，話口未完佢又出事啦！
話說早前佢去咗韓國宣傳佢部電影《警察故事 2013》，受到當地粉絲熱烈歡迎。得意忘形嘅佢，當然一如以往，發表感性宣言：「當自己喺最艱難時候，受到韓國好友幫助，每次一諗起，心中充滿感激。」本來呢啲門面說話，講完、聽完就算，點知最後佢再整多句：「我是半個韓國人，韓國是我另一個家。」就係呢句瀨嘢嘞！
此話一出，即時辣㷫兩岸三地網友，群起而插之，有人鬧佢不知所謂、有人話佢「為討好觀眾，有奶便是娘」、亦有人插佢「靠中國功夫出名，現在卻變成韓國大叔」。唉，成龍大哥，講嘢經嚇大腦啦，唔該！
|
鍾意就快D Share啦！
|
|
|
