2014年1月30日 星期四

張暖雅因床照事件冇得宣傳 老公胡耀輝嗌無辜




張暖雅因床照事件冇得宣傳 老公胡耀輝嗌無辜

2014-01-30 00:12:00



胡耀輝作為張暖雅嘅老公,喺呢件事上佢覺得都幾尷尬。

啱啱電影《猛龍特囧》就去咗年宵到就宣傳,莊思敏、雨僑同埋導演胡耀輝都有出席。胡耀輝嘅老婆張暖雅都有份做呢一套戲,但張暖雅就喺facebook話被禁咗止參與電影嘅宣傳活動,問到胡耀輝知唔知呢一件事,胡耀輝就話電影公司冇同佢講過,只係直接同張暖雅講,胡耀輝話作為張暖雅嘅老公,喺呢一件事上,身份都幾尷尬。

胡耀輝話電影公司係因為張暖雅之前嘅床照事件所以怕影響電影,所以禁止佢宣傳,佢話好多人都知道床照事件唔係張暖雅主導,而警方都作出調查,所以唔發表咁多,不過胡耀輝個人睇法就係,一套電影唔係所有演員都會出席宣傳,佢只係話如果真係咁嘅原因,張暖雅就真係有啲無辜。

問到張暖雅有冇因為呢件事而唔開心,胡耀輝就話有,不過就冇十分唔開心,而呢一刻可以做嘅就只係安慰佢。

講到黃秋生決定唔參選演藝人協會會長一職,莊思敏就話絕對支持秋生嘅決定,而佢自己就仲未加入演藝人協會,仲話唔一定要入會先幫到藝人,一定會有其他唔同嘅方法。

問到雨僑會唔會喺新年去男友羅力威屋企拜年,佢就話去邊到拜年都未決定,但就一定會去老闆蕭定一屋企拜年。



莊思敏對於黃秋生決定唔參選演藝人協會會長一職,表示絕對支持。



《猛龍特囧》一班演員加導演齊齊去花市做宣傳。



胡耀輝話張暖雅有因為呢一件事而唔開心。



雨僑就話一定會去老闆蕭定一屋企拜年。



鍾意就快D Share啦!
Related Posts Plugin for WordPress, Blogger...