掃呢頁CODE去手機

2014年1月30日 星期四

[忽然1周 966] 家燕姐帶「姐姐」扮靚 家燕姐,薛家燕,MW,




嗰日中午,家燕姐帶住兩個「姐姐」殺入 cotton on掃貨,主力買上身衫,唔使試,睇啱就買,好快趣!

媽咪姐

家燕姐帶「姐姐」扮靚

新年流流,有印傭懷疑被港女僱主虐待,可能要喺醫院過年,真係幾陰功!不過世上唔係個個僱主都係咁嘅。前幾日,媽咪姐去中環 cotton on掃貨,竟然撞見家燕姐!講真,啲衫唔係佢 style喎。望真啲,原來佢帶兩個菲傭姐姐去買新衫過年。

其實個畫面都幾搞笑,見家燕姐好似阿媽咁幫佢哋度身,最後揀咗一大袋衫,當然由阿 mum埋單啦!買飽再去置地嘆咖啡。不過濕平嘅嘢真係會上癮嘅, high完 tea,家燕姐又再出發去上環買海味咯。後尾媽咪姐打俾家燕姐,佢匆匆講咗兩句:「年尾嘛,同『姐姐』去辦年貨都唔係咩大件事,過年大家開心啫。」咪就係,正所謂家和萬事興嘛!

家燕姐同「姐姐」揀衫時有傾有講。

置地嘆茶

之後去置地嘆茶,三個女人齊齊坐。不過家燕姐掛住㩒電話,反而兩個「姐姐」食得多啲。

尾站殺落上環買花膠,家燕姐專揀厚身貨。

呢個月,印傭 Erwiana被虐案不斷有新進展,媽咪姐同啲姊妹都好關心,希望佢快啲康復。涉案僱主羅允彤就喺老公陪同下,日日包到冚去警署報到。

女星愛「姐姐」

有印傭見到單虐傭新聞後,話有啲驚咗嚟香港做嘢。查實我哋香港仲有好多好人嘅,睇嚇呢幾位星級僱主就知啦。

家燕出金屋

家燕媽媽除咗會買衫俾兩個「姐姐」,仲將屋企隔籬嘅單位俾咗佢哋住。間屋裝修普通,但以香港地寸金尺土嚟計,真係豪。

司棋助解困

李司棋嘅印傭姐姐跟佢好多年,大家會一齊食飯,佢又試過先出長期服務金俾「姐姐」喺家鄉起屋,幫得就幫!

君如俾重酬

紅爆賀歲片嘅吳君如同老公陳可辛都鬼咁忙,全賴菲傭姐姐(左)幫手照顧寶貝女陳是知。所以佢話當正「姐姐」係 CEO,年年加佢人工,「姐姐」月薪有 5位數㗎!



鍾意就快D Share啦!