全城熱爆的娛樂八封新聞 & 時事趣聞 & 生活 + 趣聞
睇完咖啡機，林青霞可能諗住新年買幾隻新杯招呼朋友，不過睇咗一陣都唔啱心水。
早前，媽咪姐喺中環撞到大美人林青霞一個人行連卡佛。咪以為淨係師奶先要精打細算，好似大美人林青霞咁雖然身家億億聲，但一樣使得精明。佢睇中咗一部 6千幾嘅咖啡機，左諗右諗，終於攞咗張連卡佛白金會員卡出嚟，用九折價買機。慳番六百幾蚊對林青霞嚟講係小數目，不過呢啲就係女人購物嘅樂趣！
9折買機
林青霞捉住店員問咗成三、四分鐘，清楚了解部咖啡機嘅功能至撲槌買。
其實林青霞一直都係連卡佛 fans，佢當日身上件 Lavin紅色外套都購自連卡佛，價值 3萬左右。前排佢同老友淩波、陶敏明嘆下午茶，都係著住呢件外套（上圖）。
