[忽然1周 966] 軟硬識撈 軟硬,葛民輝,林海峰,MW,

一向寸嘅林海峰、笑曬攬住女 fans上台唱歌，再送埋麥當當精品，一次過冧曬兩個 party，抵！

媽咪姐

軟硬識撈

都話人呢，真係會變嘅，好似軟硬啱啱喺紅館開騷，紀念 25周年，媽咪姐梗有去捧場啦！

話說個騷有啲似演唱會加棟篤笑，軟硬全場勁插班無膊頭嘅高官，寸僭建唐英年：「做女友最重要為男人頂，好似個男人僭建點好？幫佢頂！情書係冇意義，為佢留案底先至激！」跟手梗係攞埋「一男子」做話題，話「靠 689，我哋會死」，掀起全場高潮！買飛入場嘅，開心到震。咁贊助商呢？直情擺埋上台㖭。就算有傳媒寫林海峰大女林泳多人追， 46歲嘅佢亦唔似以前鬱嚇寸爆鬧爆，反而笑住叫人寫埋佢細女林清都咁多人追喎。查實咁咪好囉，幫我哋出怨氣，你又賺人氣， win win！

寸 689

成個 show玩集體回憶、諷刺時弊，大大個「一男子」出現銀幕，全場噓爆！

惡搞人哋，同樣惡搞自己，軟硬將自己個頭 key曬喺一張全家福上，笑爆！

鍾意就快D Share啦！

下一篇 》