掃呢頁CODE去手機

2014年1月29日 星期三

[壹週刊 1247] 羅嘉良收 25萬受靶 羅嘉良,M1,






出名「煙剷」的撈家,休息時間永遠煙不離手,估計他起碼每日要食兩包煙。

探熱針

羅嘉良收 25萬受靶

因為第二任老婆蘇岩大肚,再做老豆的「撈家」羅嘉良停工近一年陪產,再等埋 B女 Sela舉行百日宴,才正式復工。

在內地劇《精忠嶽飛》飾演秦檜一角奸出位後,撈家在新作《爸爸父親爹》繼續演頭號反派。今年一月中上海埋位開工,收 25萬一集做漢奸,代價是俾人爛菜雞蛋兜口兜面掟。錢,唔易賺!

其他影片
大煙癮

去年七月,為囡囡 Sela在北京舉行百日宴後,羅嘉良隨即復工,密密搵奶粉錢。要養妻活兒,坐歪做奸角一樣殺!在國產劇《爸爸父親爹》飾演漢奸的撈家,暫別北京妻女,隻身到上海勝強影視基地,為新劇拍攝埋位。現場所見,即使未夠鐘,撈家已經著定戲服、化好妝在現場等「嗌咪」,同身邊人無兩句的他,大部分時間坐埋一邊,扯煙睇劇本。

正式拍攝,現場攞住爛菜、雞蛋的臨時演員各就各位,導演一聲令下,所有人邊嗌口號邊將爛菜、雞蛋掟向撈家,場面壯觀。

之後補拍近鏡,導演親自出手掟雞蛋,兜口兜面就掟。雖然成面蛋漿,但只在意拍攝效果的撈家,主動要求嚟多 take,企埋一邊扯番支煙稍作休息後,埋位再嚟過。

一頭蛋漿、生菜,撈家懶得抹,企埋一邊扯煙叉電。

拍近鏡,導演親自落手掟雞蛋,撈家兜口兜面食到應。

撈家紮根國內,舉止漸趨強國,落車打噴嚏,冇掩口鼻,散播細菌。

奸出頭

在無綫年代贏過三屆視帝,撈家轉戰國內十多年風光不再,近年擔正做男主角的劇集大幅減少,坐歪做配角照去,因為價錢不高又無要求,所以長拍長有。直至去年,與黃曉明合作《精忠嶽飛》飾演奸角秦檜,撈家演技獲一致好評,成功開拓大反派戲路,劇酬更一下子由十幾萬躍升到二十五萬一集。

再婚後將基地搬到內地的撈家,一二年中因為妻子蘇岩發現有喜,撈家決定停工陪產。「個仔(與前妻方敏儀所生)出世嗰陣我一劇接一劇,根本無時間俾到佢(兒子),呢次我要彌補之前嘅遺憾!」最終撈家帶埋老婆返香港待產,直至囡囡 Sela去年四月出世,在北京搞埋百日宴,他才放心歸位,繼續搵錢。

今年七月撈家為女兒在北京舉行百日宴,已成功修身的蘇岩抱住 Sela一臉滿足。

去年同黃曉明、林心如合演《精忠嶽飛》,憑秦檜一角殺出血路,令撈家劇酬躍升至廿五萬一集。

收工後全男班飯局,撈家抵步後,叫女助手先行回酒店休息。

撈家幫襯食日本菜,斷人頭計差不多三百元人仔,在當地已屬超高檔食府。

內地室內禁煙無王管,撈家擔住煙仔大搖大擺行入餐廳。



鍾意就快D Share啦!