全城熱爆的娛樂八封新聞 & 時事趣聞 & 生活 + 趣聞
24歲美棋 BB可以同 42歲 Chilam撞籮，真係唔係人人有咁嘅機會，開心死美棋 BB，但妒忌死好多港女囉。
張智霖翻唱梁朝偉金曲〈你是如此難以忘記〉 MV本週首播，除咗 Chilam本身人氣高之外，佢嗰 6位女主角都功不可沒。
講開又講，原來其中一位女主角美棋 BB（黃美棋）已經唔係第一次同 Chilam合作。早喺 03年，當時仲係童星嘅 13歲美棋 BB有份參與 Chilam孭飛嘅電視劇《西關大少》，不過美棋 BB只係出咗 2集就被趕返鄉下，實際上無跟 Chilam同過場，不過唔緊要啦， 11年後嘅今日仲有機會見到偶像都唔怕遲嘅！
除咗法拉、魯芬同謝安琪之外，仲搵咗「大埔 LuLu」董嘉儀（右一）、「熊仔頭」拍檔杜小喬（左一）同埋美棋 BB參演，全部都係高登女神。
美棋 BB喺 Instagram自爆 03年已跟 Chilam喺《西關大少》同劇，但查實嗰時佢只係同過劉松仁做對手戲，冇拍過 Chilam。
