[壹週刊 1247] 靠女友結人脈 周麗淇新仔黐住玩 周麗淇,M1,

探熱針

靠女友結人脈　周麗淇新仔黐住玩

一一年憑台灣偶像劇《愛情睡醒了》開始為人識的內地小生徐正曦，半年前成功撻着在香港比自己名氣高一截的周麗淇，發展姊弟戀。上週五（一月二十四日），剛與陳曉東合作拍完新劇《加油愛人》的徐正曦由內地返港，出席公司寰宇春茗外，其餘時間做跟得男友。據了解，愛屋及烏的 Niki，不時介紹身邊富貴朋友包括甘比、阿 Sa、英皇及自己公司的高層給徐正曦認識，鋪路發圍！

其他影片

還清首期

去年中，周麗淇返內地與林峯合作新劇《大漢賢後衞子夫》，認識比自己細五年、同劇的徐正曦，二人迅速打得火熱，男方更多次被拍得來港探女友，夜訪香閨。

「 Niki仲係搏殺期，公司 plan咗好多計劃俾佢，好似同小齊合唱攻內地市場，公司唔想外界只係留意佢嘅戀情，所以老闆小柯（任賢齊經理人）都搵人提過佢哋，要低調啲。」 Niki身邊人說。

○八年簽約寰宇後，徐正曦工作量一直不多，直至一一年轉攻內地拍劇，始為人留意。

「初初嗰幾年做新人，交租、化妝整頭全部都係公司（寰宇）墊支，仲有沙田大圍間屋，首期一百萬都係同公司借，一路還緊，到舊年佢拍咗三套劇，同江若琳套《愛閃亮》雖然唔係好收，但內地市場需求大，跟住佢同林峯拍咗《大漢賢後衞子夫》，套劇都未上，又再同陳曉東合作《加油愛人》，三套劇加埋百幾集，近乎全年無休，都搵咗唔少，佢買樓欠嘅錢都還曬啦！」知情者說。/p>

周麗淇拍《大漢賢後衞子夫》，識到男友徐正曦，亦與林峯變成老友。

Niki與鄭嘉穎拍拖五年，從未試過孖咇斷正。

上週六淩晨， Niki call齊家姐、英皇高層及劉嘉玲助手，介紹給男友認識。

Niki帶男友與經理人 Marianne飯聚，其間三人講多過食。

拍拖經常被影到， Niki所屬的大嶽娛樂相當不滿。

瞞天過海

上週五（二十四日），徐正曦專程由上海返港，公司安排租車接他返大圍寓所放低行李，再到荃灣中心買電話咭。

「最初簽寰宇嗰陣，公司幫佢租嗰間屋喺荃灣，所以佢對呢區最熟，連買電話咭都走返嚟！」

買完電話咭，再去中環整頭，晚上八時多，徐正曦到尖沙咀福臨門出席春茗，在現場逗留至十一時多，坐的士返回大圍寓所。諗住返屋企歇一歇瞞天過海的徐正曦，淩晨二時再次出動，坐的士出發到女友 Niki位於貝沙灣的寓所，之後未見他離開。

○五年參加「全球華人超級男模大賽」奪冠入行的徐正曦，曾簽約 StarzPeople，其時，他雖然努力擦住老細鄒世龍，但卻苦無機會，之後與 StarzPeople提出解約，○八年轉會寰宇。在 Niki貝沙灣寓所宿一宵，翌日下午四時多，徐正曦坐的士離開貝沙灣，又專登報警阻攔本刊記者，但同時間原來又有另一本週刊得到配合，順利跟他車離開。

晚上八時， Niki的經理人駕車到貝沙灣接 Niki到中環食意大利菜，坐低十分鐘，徐正曦便到場會合眾人，食到十一時多，轉到東方文華酒店地庫繼續下場，同場還有 Niki家姐周汶錡、英皇高層 Alex Fung等圈中人。

「徐正曦仲未可以個個劇都坐正做男主角，每次嚟香港，佢都會跟住 Niki識吓啲圈中人，好似英皇同寰亞啲高層， Niki愛屋及烏，佢身邊啲好友例如甘比、阿 Sa、霆鋒，都識得徐正曦。」 Niki身邊人說。

由徐正曦和江若琳主演的《愛閃亮》，在內地電視劇排行榜第十，收視並不理想。

Niki圈中人緣廣，同楊千嬅、丁子高，以至劉嘉玲亦十分老友。

徐正曦購入的沙田雲頂峯單位，只有三百二十呎，睡房、廳、廚房全開放式。

徐正曦由寰宇高層陪同返港，先返大圍放低行李再外出，由於會留港一段時間，行李相當多。

誤傳富二代

○八年，徐正曦（右一）剛入寰宇，與公司老闆林小明及藝人唱 K。

去年九月，周麗淇被踢爆人肉速遞到上海探男友徐正曦，其時有指二十八歲的徐正曦父親是內地高官，家族做五金生意，在上海有不少物業，身家億計。其實徐正曦並非傳聞中的上海富二代，父親與叔父在上海是開五金鋪，而他在大圍購入的雲頂峰亦非千呎屋，而是 320呎開放式單位，買價三百多萬，並由公司寰宇，先借出百萬首期。

鍾意就快D Share啦！

下一篇 》