上個月同爹哋媽咪影合照嘅中曦好好笑容，郭晶晶話 BB已經曉轉身，每日有不同驚喜。
同你吟一吟
郭晶晶正式做阿太
無論湊仔定搬屋，都鍾意自己落手落腳嘅郭晶晶，生 B五個月，身形已經差不多瘦番曬，忙完家事，霍太開始做番富貴阿太要做嘅嘢，就係投入社會公益。上星期六（一月二十五日），首次以大使身份出席聯合國兒童基金會活動。
其他影片
活動舉行前幾日（二十三日，星期四），郭晶晶先抽出時間，同聯合國兒童基金會嘅人見面開會傾細節。當日下午近六點，一行人喺新世界大廈外面落車，咁啱撞到一班喺附近做完活動嘅傳媒，見到記者，郭晶晶表現淡定，反而同行兩女就窮緊張，第一時間一前一後夾住佢走入附近一幢有 salon、 beauty同私竇嘅商業大廈。其實乜都唔係，一行人只係穿商業大廈另一出口抄路走。
嗱！以前同霍啟剛拍拖，傳媒的確會對國寶咬住唔放，但而家生米煮成熟飯，國寶同普通名人一樣，見到就影嚇㗎咋，所以千祈唔好緊張，盞笑壞人！
|
鍾意就快D Share啦！
|
|
|
