全城熱爆的娛樂八封新聞 & 時事趣聞 & 生活 + 趣聞
Rose一坐低就曬事業線，今個嚴冬真係好彩有你。
近排氣溫持續寒冷，日日維持十零度， FBI都唔敢扮勁著少衫。一班星亦通通包到上頸，呢排出活動都少見暴露畫面。
Rose嘅隔籬左右，包括 Stephy、龔慈恩同陳偉霆都包到上頸，得 Rose好似唔知天氣凍咁。
上週一（ 20日），電影《男人唔可以窮》搞煞科宴，由於天氣凍，所以鄧麗欣（ Stephy）同內地女星趙榮得都包到實，點知配角陳嘉桓（ Rose）就竟然著到好似有 30度高溫咁，出動背心短裙，女一 Stephy見到都忍唔住成晚面燶燶，嘢都無同 Rose講多句。 Rose解釋話因為佢喺戲入面做宅男女神，所以為配合角色，呢晚都要著到咁。查實戲都拍完，著多件衫唔好冷親。
