2014年1月29日 星期三

[壹週刊 1247] 阮馬素秒殺港男港女 M1,




阮馬素行唔夠兩步,就會俾 fans認出截住要求合照,男 fans仲可以攬實影,萬人迷果然名不虛傳。

同你吟一吟

阮馬素秒殺港男港女

瘋魔萬千少女嘅 26歲德國體操王子阮馬素( Marcel Nguyen),早排嚟咗香港集訓,但佢一有時間就同女友 Damla四圍玩,黃大仙求籤、迪士尼玩過山車、大嶼山天壇大佛……瘋狂自由行,仲有機會耐不耐去嚇品牌活動賺水腳。

其他影片

喺香港住兩個月嘅阮馬素,早個禮拜又同女友慢遊中環。靚仔到冇朋友!行到邊都俾港男港女截住合照,阮馬素來者不拒,跟得女友 Damla仲做埋助手幫影相,態度同男友一樣 nice。

之後入咗間賣帽嘅專門店,阮馬素逐樣睇逐樣試, Damla就響旁邊俾意見。男人 shopping通常快靚正,但阮馬素搞咗大半個鐘先埋單。之後見到對面街有時裝店做緊五折起, Damla都冇蝕底,買到一人一袋,先捨得行去 Soho區坐低醫肚。

女友 Damla幫男友 fans揸機影相,全程笑容滿面,好 nice。

男友揀帽, Damla乘機通鼻,香港空氣,係差啲!

除咗留港集訓,阮馬素之前仲同大美人關之琳一齊出席時裝品牌活動,大把外快 shopping。

坐低開餐前,阮馬素先陪女友睇減價女裝,體貼!



鍾意就快D Share啦!