掃呢頁CODE去手機

2014年1月8日 星期三

[FACE 346] 《我是歌手 2》有得留低  G.E.M.揀戰衣再砌 我是歌手,鄧紫棋,G.E.M.,MF,




為出賽《我是歌手 2》,上週五( 3日) G.E.M.趁空檔即回港揀戰衣,當日由經理人張丹及外籍形象設計師 Emma左右傍住一齊踩入銅鑼灣 shopping。

FBI

《我是歌手 2》有得留低  G.E.M.揀戰衣再砌

元旦舉行嘅《叱吒樂壇頒獎典禮》,同商台反面嘅 G.E.M.(鄧紫棋)照舊缺席唔使畀面。梗係啦,𠵱家 G.E.M.正積極出戰由內地湖南衞視炮製嘅歌唱比賽節目《我是歌手 2》,《叱吒》呢啲悶到嘔嘅頒獎禮,唔去都罷!

其他影片

《我是歌手 2》上週五( 3日)首播,出名唱得嘅 G.E.M.以一曲〈泡沫〉參賽,雖然面對眾多前輩,但佢依然淡定,最後仲贏咗張宇同包尾周筆暢,得到第 5名。 G.E.M.咁叻女, FBI梗係要打電話恭喜佢,但 G.E.M.好謙虛話:「真係好開心又好刺激。個個參賽者都好勁,以我嘅資歷最淺。我唔係有信心贏,但有信心去比賽,因為我有好努力去做好比賽準備。」不過 FBI問到佢未播映嘅第 2集得第幾名? G.E.M.就好避忌話因簽咗保密協議,打死唔肯漏口風。但 FBI收到風, G.E.M.已喺週日去咗湖南衞視錄影第 3及第 4集一連兩集,即係 G.E.M.仲未 out仍然有得玩。

打入《我是歌手 2》進軍大中華市場,梗係要搞好個形象。上週五 FBI喺銅鑼灣撞到 G.E.M.,由經理人張丹同外籍形象設計師 Emma傍住去揀戰衣出賽, G.E.M.入過 I.T、 DKNY同 Miss Sixty等都睇唔啱,結果行足 1粒鐘都係冇收穫,最後空手而回,紅咗都冇亂 fing錢。

有小巨肺之稱嘅 G.E.M.最近參加湖南衞視舉辦嘅《我是歌手 2》,第 1回合就以自創曲〈泡沬〉得第 5名;論節目分量,《歌手 2》勁過謝安琪有份玩深圳衞視嘅《金鐘獎中國音超》添喎!

英文 talk得兩嘴嘅 G.E.M.,同外籍形象設計師 Emma好啱 key,行緊街時仲拖實 Emma隻手,勁 friend底。

除陪 shopping,張丹仲做埋攝影師,揸住部數碼攝錄機幫 G.E.M.影足全程,而 G.E.M.亦好配合,不時望鏡頭。

第1美女

出名唱得嘅 G.E.M.,亦一樣睇得,內地網站「百度」搞亞洲美女榜最新排名, G.E.M.竟以 11萬票得第 1,大勝排第 2、只得近 3萬票嘅 AV女神蒼井空。

電話報料 9106 2799

電郵報料facenews@nextmedia.com



鍾意就快D Share啦!