2014年1月15日 星期三

[FACE 347] 日行一善 星洲狂做義工 張栢芝洗底: God bless you! 栢芝,張栢芝,MF,




由去年尾開始,栢芝已帶住 Lucas同 Quintus兩個仔去新加坡讀書,為融入當地生活,栢芝最近更加入當地的慈善團體「 Willing Hearts」做義工,無論煮飯、包裝及送飯都要做。

真面目

日行一善 星洲狂做義工 張栢芝洗底: God bless you!

兩子之母張栢芝出名行蹤飄忽,去年中一個人帶住 Lucas和 Quintus移居加拿大 4個月後,回流香港再轉飛新加坡,早前更跟前夫謝霆鋒一家四口於新加坡共聚家庭樂。

有指栢芝早前索性帶埋兩個仔到新加坡讀書過新生活洗底,為融入星洲生活,栢芝閒時除到當地大學飯堂食飯之外,最近更加入新加坡的慈善團體「 Willing Hearts」做義工,煮飯、包裝、送飯全部一腳踢,上週遇上有心人捐錢,栢芝更拍片道謝,轉曬性喎。

一週起碼返 3次中心做義工嘅栢芝,次次都唔化妝落場,仲著埋圍裙化身主婦執頭執尾。

與謝霆鋒離婚超過兩年的張栢芝,失婚後曾搏命接戲搵錢,更一直母兼父職照顧兩個仔 Lucas和 Quintus,但隨著兩個愛兒漸漸長大, 33歲栢芝為令他們能在健康及安靜環境下成長,由上年開始已帶住兩個仔撤出香港,到外地過簡樸生活。

日送 3,000飯盒

「 Willing Hearts」是新加坡非牟利慈善團體。該會主席 Tony Tay 5歲喪父,也喪失棲身之所,母子被教會收留給予溫飽,所以 Tony現時有能力,亦想送飯給有需要的人。從 05年創辦「 Willing Hearts」開始, Tony帶著一班義工,每日到各區派發 3,000多個飯盒,為當地弱勢社群帶來溫飽。

「 Willing Hearts」工場,位於新加坡市區一座名為寶達工業大廈,距離最旺嘅 Orchard Road唔使 15分鐘車程,所以栢芝去做義工都好方便。

「 Willing Hearts」主席對出心出力嘅栢芝讚不絕口。

做雜工一腳踢

去年 7月,栢芝曾帶住 Lucas和 Quintus一齊去加拿大溫哥華生活,但至年尾,一行 3人忽然轉移陣地,飛去新加坡過新生活,還安排兩個仔於當地讀書。

據知,栢芝選擇到新加坡生活,是因為當地的傳媒沒有狗仔隊文化,不怕被記者跟蹤狂影,亦有指是當地的 fans普遍有禮貌,要求與她合照後,亦會聽栢芝話,不會隨便放上網暴露行蹤。話雖如此,但栢芝在新加坡的行蹤,其實亦不時被坡迷圖文兼備放上網。

為融入當地生活,栢芝唔只由大明星化身平民周街行,試過走入新加坡國立大學的飯堂食飯;由上月開始,栢芝更加入當地專門派發膳食給生活困難人士的非牟利慈善團體「 Willing Hearts」做義工。據知栢芝如果在新加坡,每週起碼會返「 Willing Hearts」 3次做義工。

真情致謝

I love you so much!(真實對白)

於道謝短片中,栢芝用英文打招呼,然後話:「 Hi this is Cecilia. Thank you for helping us. God bless you. I love you so much.」講到七情上面,果然係影後。

週一( 13日),「 Willing Hearts」網頁就鋪出栢芝與義工嘅合照,仲用英文向捐出 5千美元善款的香港有心人 Eddie道謝。心口掛住十字架的栢芝更加唔介意素顏照 po上網。

清晨 5點半開工

去年 12月中,霆鋒趁有假期,即飛去新加坡探兩個仔兼陪返學,其間被網友發現佢同栢芝仲有兩個仔喺同一地點出現。

雖然栢芝有錢有名,但她亦與一般平民無異,同樣穿起圍裙跟其他義工一齊落場煮飯,然後包裝,更派餐給社區的窮人,同做雜工冇分別。最近得知有香港人捐贈 5千美元給「 Willing Hearts」,栢芝更與該中心的副主席 Charles一齊拍片道謝,更向該有心人祝福:「 God bless you!」

對於栢芝於「 Willing Hearts」做義工一事,週一( 13日)本刊致電該中心主席 Tony Tay先生,他用英文對栢芝讚不絕口;「雖然佢(栢芝)喺香港好出名,但佢好 nice,差唔多每日都來幫手,有時朝早 5點半已來到。佢無論煮飯、包裝、送餐樣樣都有幫手。雖然佢冇捐過錢,但肯捐出時間更加珍貴,佢真係好好人。」當問到栢芝為何加入「 Willing Hearts」做義工? Tony Tay就話唔清楚,之後還以趕時間為由掛斷電話。

霆鋒揸刀搵食

栢芝與霆鋒離婚兩年多,夫妻兩人一直各有各忙。踏入 2014年,栢芝除要喺新加坡做義工及湊仔外,待生活安定後可能會返港開咪做 DJ;而霆鋒除主持內地飲食節目揸刀賺錢外,還打算年尾再踏紅館開個唱。

教煮餸

《蘋果日報》圖片

近年長期進駐內地搵人仔嘅霆鋒,遲啲仲會主持內地飲食節目《十二道鋒味》,仲會搵埋好友容祖兒同陳奕迅做嘉賓。

開個唱?

台灣《蘋果日報》圖片

霆鋒原本前年打算開入行 15周年、以世界末日為主題的演唱會,但因工作忙,最後告吹。最近英皇再入紙紅館,於今年 11月為霆鋒開騷,但據知一切仍未正式落實。

栢芝商台開咪

栢芝化妝師 Rick Chin喺商台開咪主持節目《起來!大龍鳳》。月頭栢芝返港期間,曾去商台同陳志雲打招呼,為加入商台做好準備,據知栢芝亦已錄好第一集,於農曆年後播出。



鍾意就快D Share啦!
Related Posts Plugin for WordPress, Blogger...