家燕姐經驗豐富，阿 Bob轉數夠高，陳庭欣被總理欽點拍住二人做主持，真係明益佢。
FBI
陳庭欣總理欽點升呢
TVB人才愈走愈多，不過逢親大騷都仲有 DoDo、阿叻等頂住。前排舉行嘅仁濟騷就明顯弱咗啲，得陳芷菁、阿 Bob同薛家燕撐住，而最奇怪係冇乜主持經驗嘅陳庭欣都有份做司儀！
FBI八到，原本陳庭欣今年只係負責做接線生位置嘅間場司儀，但突然有個神秘總理親自欽點陳庭欣做主位司儀，搞到 TVB焗住升佢呢！陳庭欣點都唔肯認有總理關照，「我做咩位都係收一個騷錢，亦冇聽過有總理欽點我。」冇富貴朋友照住但又有錢開餐廳，佢又解釋話自己只係小股東，「其實我得好少股份，爸爸先係大份！」不過 FBI查過，陳庭欣根本冇股份，而疑似陳爸爸只佔細份，究竟呢位港姐冠軍邊句真邊句假？
|
鍾意就快D Share啦！
|
|
|
