2014年1月15日 星期三

[FACE 347] 獨力難支 急醫血管瘤重病父 獨女細細粒:要搵好多錢 細細粒,MF,




上週六( 11日),細細粒揸車由護老院接送外婆回家,正值中午時間,心急搵車位的她單手拿起助行架,之後更跑到酒樓攞位。

真面目

獨力難支 急醫血管瘤重病父 獨女細細粒:要搵好多錢

《老表,你好嘢!》再嚟《 My盛 Lady》,細細粒(陳嘉佳)成功入屋,有觀眾緣帶挈密密接 job,事業有運仔,但家事就令細細粒煩惱。

據知,上月初細細粒的父親到醫院年檢,報告結果在心臟附近發現一個血管瘤,加上嚴重腎衰竭,醫生已表明要珍惜餘下日子;而外婆又跌傷髖骨,需急做手術。細細粒化悲傷為力量,頻頻接 job以應付龐大醫藥費。提到父親病情,細細粒卻不願多談,她只說:「會盡量抽時間陪佢!」

其他影片

劇接劇的細細粒,去年底到曼穀旅行,以獎勵自己過去一年努力賺錢成績;可是,回港不久便家宅不寧,先是外婆跌傷髖骨,要從上海搬到香港動手術和休養,之後其父親到聯合醫院進行年檢,報告結果令細細粒接近崩潰,難怪新劇《貓屎媽媽》的宣傳都唔見細細粒出現。

細細粒到護老院接外婆出院時,為令外婆坐得舒適,先將車內的雜物執拾一次,才示意外婆上座。

嗰頭先食完午飯,轉頭細細粒就要到藥房幫外婆買成人紙尿片。

《 My盛 Lady》和《貓屎媽媽》播出後,細細粒希望藉此可以賺錢買樓,但現在只想賺錢作為家人的醫藥費。

撐起全頭家

「上個月初,小寶老豆去醫院 body check,咁啱小寶要開工冇陪佢去,點知第二日就叫佢哋全家到醫院,醫生話佢老豆心臟下面條主動脈生咗個血管瘤,而且腎衰竭已經好嚴重,加上年紀接近八十,醫生唔建議做任何大型手術,連洗血、洗腎、洗肚都做唔到,所以醫生都叫小寶一家人盡量陪爸爸多啲。小寶聽完梗係傷心啦,不過又要睇實媽媽,點都要扮堅強,所以小寶都照樣頂硬上,努力接 job賺錢,仲話唔想畀人知道呢件事。」小寶身邊好友說。

據知,細細粒父親已返屋企休養,但需要定期到醫院覆診,由於父母已退休,家住公屋環境普通,所以家庭支柱細細粒除了不斷放風聲接 job,更要托好友找尋名醫或醫治方法,搞到近日都憔悴不少。

細細粒自小已經肥嘟嘟勁可愛,仲要係家中獨女,爸爸梗係錫到佢燶,兩人感情好好。

《 My盛 Lady》和《貓屎媽媽》播出後,細細粒希望藉此可以賺錢買樓,但現在只想賺錢作為家人的醫藥費。

11月,細細粒拍完《忠奸人》,當時外婆和父親都未出事,就算開足成日工都開籠雀一樣。

「我想靠自己!」

今年 7月靠《老表,你好嘢!》彈起的細細粒,乘勢推出自傳書《細細粒,你好嘢!》,逐漸多人認識,搞笑形象更入屋。《蘋果日報》圖片

上週六( 11日),細細粒一早便和母親到灣仔一間護老院,一臉愁容的她,泊好車急急腳衝上護老院,幾分鐘後,細細粒拿起助行架放入車,母親和看護就慢慢推著坐在輪椅的婆婆上車,原來當日是接外婆回家。之後細細粒帶外婆到酒樓醫肚,餐後仲特登打包外賣給家中的重病父親。

本刊週日( 12日)致電細細粒,問到有關父親病重一事,她聽到後很大反應,「最近屋企真係有啲事,關於爸爸嘅病情,我真係唔想講咁多,我唔想其他人以為我想做灰姑娘,好似好需要人幫忙咁,就算有問題,我都想靠自己!𠵱家的確想搵多啲錢,同埋……想盡量抽時間陪佢。」

翌日細細粒致電本刊記者,擔心報道出街後會令母親心情更憂心,她亦承認父親的確患上重病,現希望找尋到可行的醫治方法。雖然情況並不樂觀,希望細細粒加油!振作呀!

高齡病人難支撐

家庭醫生

關嘉美

「如果病人同時有腎衰竭和血管瘤,除非個病人年紀在 80歲以下,身體體魄強勁,或有強烈的求生意志,醫生可根據實質數據,如情況允許不排除可以施手術進行切割血管瘤、換腎等方法醫治;如果年紀近 80歲,身體狀況如有高血壓、食煙等問題,施手術成功率很低,例如麻醉時病人未必可以支撐,故醫生多數建議任何手術都不會做,只會開藥物(如腎藥、血壓藥)來控制病情,飲食餐單盡量以清淡為主,少鹽、少糖、少油。」

細細粒急 check

細細粒體重高達 240磅,屬於高危一族,雖然暫時冇病冇痛,不過得知父親患重病後,細細粒亦開始擔心自己的健康,上月中亦到醫院進行身體檢查,買個安心。

做完身體檢查後,細細粒影咗張相上載 facebook,但對父親患病一事一字不提。

經濟支柱

細細粒面對家中使費大增問題,單是外婆的手術費加入住護老院已花了 7萬,但細細粒又唔想其他人幫手,惟有一手一腳自己搵 job做,據知近日仲特登減騷價,希望賺多啲錢以應付父親的龐大醫療費。

廣告

細細粒和周秀娜合作拍攝瘦身產品廣告,一向討厭運動的她,都肯在跑步機上跑步,為咗頭家惟有頂硬上。《蘋果日報》圖片

電影

本月初,細細粒出席電影《 Delete愛人》的煞科宴,為自己有份參演的電影宣傳外,亦希望增加曝光率。

剪綵

上週二( 7日),忙於出 event賺錢的細細粒再次出動,拍住林曉峰和陳敏之為商場剪綵。



鍾意就快D Share啦!
Related Posts Plugin for WordPress, Blogger...