生肖解馬
蘇民峰：炒股、買樓要有耐性
2014馬年，香港在政治和經濟方面存在著不少隱憂，對於股市或樓市有一定影響，不過蘇民峰師傅批算今年的股市和樓市波動多但波幅少，要看準時機才好出手。
年初入市秋天賺
☉蘇師傅話， 2014為雙數年，每逢雙數年的股市走勢都是先跌後升，但因經濟進一步踏入穩固期，故即使升也不宜太過樂觀，得些好意需回手，適宜買些防守性強的股票。「其實由𠵱家開始就有跌嘅跡象，一直跌到西曆 8月 8日（立秋）左右就會慢慢升，有波幅但冇乜起跌。」蘇師傅說：「 13至 15年經濟都係慢，而且跌啲人又話驚，升又唔敢放，永遠賺唔到錢，有得賺就賺住先啦係咪？」
☉他又大放貼士：「以股票計，去年利水，今年利木，所以我上年已買定魏橋紡織（屬木）等今年升，大家想買股票最好買屬木或屬火嘅股票，到秋天至放，唔急就睇定啲，到 2015年至放都得。」股票以屬木表現最佳，若以整體行業來計，屬火發展最好，要留意喇！
炒股必勝旺財局
於下列西曆日子，在家中適當方位擺放風水局，有助炒股同大旺財運。
2月 4日-3月 5日 在西位放一杯水催財。
3月 6日-4月 4日 本月東北位利財運，多在這方位休息可旺財。
4月 5日-5月 4日 本月正西位利財運，多在這方位休息可旺財。
5月 5日-6月 5日 本月正南和東北位利財運，多在這方位休息可旺財。
6月 6日-7月 6日 在正南方及東北位各擺一杯水可催財。
7月 7日-8月 6日 本月正南及正北位置利財運，多在這兩方位休息可催財。
8月 7日-9月 7日 在正南位擺一杯水，旁邊放 8粒白石有利催財和升遷。
9月 8日-10月 7日 多在東南位休息或活動，有助喜慶事發生。
10月 8日-11月 6日 於正東和正西位置各放一杯水有助催財。
11月 7日-12月 6日 在正南方擺放紅色物件。
12月 7日-1月 5日 在正南方擺放紅色物件。
地產商出盡怪招
☉樓市方面，去年蘇師傅提醒過大家唔好心急，因為預測 2013至 15年樓價會逐步下滑，投機炒賣亦將進一步減少，今年他再提醒：「要等啲發展商有啲大盤推出，啲樓價至有機會跌，你睇成個荃灣線西鐵站上蓋都未推出嚟，使乜急！𠵱家普通市區樓都賣豪宅價，不如買二手樓啦！」
☉去年有發展商出怪招，甚至將酒店房當住宅賣，蘇師傅就話今年有更多怪招：「發展商要賣樓，又唔可以照市價去賣，咁要暗中好似跟市價咁賣，但實則減價，咪愈嚟愈多怪招囉！最近我都見有啲新樓盤，話邊日買就減 4.5%、細單位又減 7%、大單位減 8%，減嚇減嚇成廿幾個%，所以最緊要睇實際係畀幾多錢囉，跟二手樓價又比一比啦！」
☉蘇師傅指以地運計最好買西南區樓，但過去兩年已罕見平價貨尾，退而求其次可以選擇荃灣或屯門。
|
鍾意就快D Share啦！
|
|
|