同好友陳柏熹合作做生意雖然只有半年，不過鋪頭結業都無損二人友誼，上星期 Moiselle搞時裝展，何嘉莉亦有捧場。
FBI
何嘉莉想做 A餐
曾經係英皇三小花之一嘅何嘉莉，自 05年退出娛圈專心相夫教子後都好少見佢喺公司活動出現，不過最近何嘉莉又開始活躍，仲同好友、 Moiselle太子爺陳柏熹合作開上樓時裝店「 dour studio」。
FBI八到，何嘉莉一直視「臣嫂」兼老友徐濠縈為目標，想好似佢咁顧到家庭又可以有自己事業，所以近年都周不時黐實阿徐，最近更報讀設計課程增值。對於鋪頭開咗唔夠半年就結業，拍檔太子爺陳柏熹就解釋：「佢（何嘉莉）嚟緊會轉型，之後會從事設計工作。」
阿徐有 Eason呢支大水喉射住，就嚟進駐 2億豪宅，而 FBI查過何嘉莉同糖水鋪太子爺老公黃逸璋名下都冇物業，要行阿徐條路，仍然好漫長。
|
鍾意就快D Share啦！
|
|
|