[忽然1周 967] 馬上派錢 MW,

100蚊利是

約 500封

名人潮

馬上派錢

農曆新年是中國人的傳統節日，感覺特別雀躍，個個忙住去親友家拜年、食唔同糕點增肥、穿上紅色衫褲扮人肉利是封，年年如是。

要數最興奮的活動，莫過於派利是一環，派嘅夠重金，收嘅就更加開心，皆大歡喜。

鄺美雲　財源滾滾

大年初二（ 1日），鄺美雲（ Cally）一如以往帶同兩個寶貝 Cash與 Euro，到黃大仙區老人院探訪。去足廿多年的她，今年繼續獻唱，大派利是之餘，更準備有頸巾、冷帽、藥油的福袋，𠱁得在場老人家笑唔停。「我廿幾年前做歌手開始嚟呢間老人院探訪，閒時有時間都會嚟陪老人家打牌。」當日鄺美雲親自向每位老人家派利是，連全場護理員都有份。問她準備幾位數字豪派？「唔係講錢嘅！好多嘢都要學識放下，唔放低一啲就冇位迎接新嘅。好似做生意咁，當你將啲錢捐去做善事，就會努力搵更多返嚟！」

當日除了鄺美雲受歡迎， Cash同 Euro例必成為焦點，與在場老人家合照，任影唔嬲，而 Cally手上嘅利是封當然印住愛犬嘜頭啦！

去完老人院探訪，鄺美雲再到佛光道場抄經。 Cash與 Euro𠱁得不少法師好開心，之後更獲住持永富法師（上）派利是。鄺美雲邊幫手打開利是背囊，邊笑說︰「佢哋發達囉！」

初三（ 2日），鄺美雲到沙田馬場捧老友隻馬，甫入場她即派利是，惹來大堆馬迷起哄圍住，怪手盡出，一片混亂。

龐維仁　李嘉欣　各自發功

龐維仁當年曾背妻與李嘉欣高調挽手雨中漫步，事隔多年，二人各有家室。年初二（ 1日），龐維仁一家同父母到酒店食飯兼睇煙花，相當溫馨。唔知係咪當年被爆拍拖有後遺症，他面對鏡頭依舊避忌，一見記者即摩打腳閃人。至於嫁入豪門的李嘉欣，則與老公許晉亨一家到福臨門開年，之後更上載二人合照，大曬恩愛。

龐維仁一家到酒店食飯，他一見記者即急步入場，之後索性擰轉背冇面見人，由得韓籍妻子 Cindy與女兒龐曦晴對鏡頭打圓場。

睇煙花之前，龐維仁一家密密食，對妻子照顧周到。不過他一見閃光燈即時怒啤，一家三口聚天倫，冇乜嘢唔見得光喎！

出名愛 show off的李嘉欣，初二全家去福臨門食開年飯。以為和和氣氣，點知佢初四又發功，於微博騷兩公婆合照，不過自己再加句「扮恩愛」寸下傳媒，又俾佢贏到版位喇！

朱潔儀　新年獻藝

有人選擇高調派錢，有人就同家人慶祝。朱潔儀今年決定靜靜地過年。精通油畫、水墨畫的她，已連續 10年畫生肖畫，今年以「鴻運馬」為題，用中國傳統剪紙工藝配合西洋油彩畫功繪畫。「最困難地方係控制剪紙嘅線條幼細，要花好多心思去剪同畫，試過畫到眼都睜不開。」

年初二（ 1日），朱潔儀到富臨飯店食開年飯，順道向師傅「一哥」楊貫一拜年，即場大派自己親繪嘅畫卡。

鍾意就快D Share啦！

下一篇 》