[忽然1周 967] 郭富城馬王到 郭富城,MW,

身著中式棉襖、騎住駿馬嘅城城，果然有「皇者來臨」之勢，有型又有款。

媽咪姐

郭富城馬王到

本周二，年初五，郭富城再再再冧莊成為海港城新春賀歲嘉賓。當日城城騎住匹駿馬出場繞場一周，係威係勢！

當日匹馬好乖咁聽城城指示，唔止踱步慢行，對住鏡頭仲識笑，認真鬼馬。但當城城 hold住佢一齊影相時，唔知係咪馬仔少見咁多人同相機，竟然左擰右擰。身為馬主嘅城城有曬經驗，一啲都唔騰雞，佢先攬一攬隻馬，然後輕輕拍一拍馬身，馬仔果然聽話，乖乖咁企定同城城一齊影相。真係有料到喎！

揸住一大疊利是嘅城城，自封「醒神」。媽咪姐問點解，佢搞笑咁話：「發哥係賭神，我係郭富城，即係郭富醒咪醒神囉！」

城城輕輕攬嚇摸嚇，馬仔就服服貼貼。以為城城𠱁女仔叻啫，估唔到連𠱁馬都有一手。

2號（初三）跑馬日，城城出現馬場，當佢（黃圈）落沙圈察看馬匹狀況時，被其他馬主團團圍住。睇嚟城城有資格攞「最受歡迎馬主」獎喎！

鍾意就快D Share啦！

下一篇 》