網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月5日 星期三

[FACE 350] 大日子 派夫姓利是  Sammi安仔吹雞開年 Sammi,許志安,安仔,鄭秀文,MF,




開年飯一對對

12月訂婚後, Sammi樂於以「許太」身份做搞手,新正頭吹雞兩次與友暢聚,繼年三十團年後,原班人馬初二再到西苑開年。網上圖片

真面目

大日子 派夫姓利是  Sammi安仔吹雞開年

11年翻撻、去年 12月傳出婚訊,許志安同鄭秀文呢一對雖然再三澄清係訂婚、並非成婚,不過禮未行又有乜所謂,新年流流兩人以「伉儷」姿態留港度歲兼吹雞賀年。

本刊收到風, Sammi當正自己許家新抱,派緊「許」姓字樣大利是添!二位一體甜到咁,婚禮、宣誓嗰啲形式嚟啫,搞唔搞都一樣!

未過門先話事

出埠為過二人世界樂得清靜,留港就梗係熱鬧與眾同樂。據 Sammi友人透露, Sammi、安仔過年前一早預告圈中好友農曆年行蹤,吹雞叫齊圈中朋友年三十食完團年飯,意猶未盡再於年初二原班人馬開年。

「 Sammi近排成日同班圈中姊妹講,話自己係『潮女』,潮州女仔呀,結咗婚乜都要聽曬老公話,睇老公頭做人喎!佢今年過年仲十足十賢內助一樣,全盤揸弗幫安仔搵利是封、包利是,雖然未係兩公婆,不過初二餐開年飯,佢哋兩個已經老夫老妻一樣,利是派得好熟手,成班朋友都替佢哋好開心!」據知,兩人正物色一位牧師,為人生大事做準備。

利是唔係第一次派,不過初二開年飯, Sammi第一次跟住安仔向友人大派「許」氏利是,未過門已經當正自己係許家人。網上圖片

祖兒趕兩場

初二西苑飯聚,其實還有另一 pair圈中情侶容祖兒、劉浩龍,不過呢一 pair一晚走兩場,大合照時正身在時裝設計師陳華國家中。網上圖片

先拜年後拉隊

年三十的團年飯及年初二的開年飯,一樣係許氏伉儷吹雞,設宴銅鑼灣利園二期的西苑貴賓房,而座上客都是原班人馬,包括張衞健夫婦、蘇永康及未婚妻、雷頌德夫婦及歐陽德勳、蔡立夫婦,初二再聚,則多了梁漢文夫婦。等到「梁炳」從英國賀完「 Dr.陳奕迅」後回來,年初二總算等到「 Big 4」齊腳,開年之餘亦一心等齊腳商討來年大計。

年初剛從東亞過檔至太陽娛樂,安仔有意拉攏 Big 4、雷頌德等拉大隊過檔重投黃柏高旗下大展拳腳;而終極目標是帶埋現時自由身的 Sammi做太陽娛樂夫妻檔。據知 Sammi同經理人郭啟華一樣沒有約被東亞綁死、潮州女人 Sammi又愛做跟得夫人,馬年夫妻檔極有機會成事喎!

去年農曆年間,被本刊拍到雙雙飛往沖繩靜靜雞避年,今年好事近, Sammi、安仔連心態都變埋,熱熱鬧鬧留港賀歲。

去年 12月 18日, Sammi、安仔傳出婚訊,其實兩人出席老友車婉婉峇里婚禮,順手慶祝求婚成功。

在私係好兄弟、在公 Big 4亦有叫座力,據悉許志安過年落足嘴頭拉梁漢文、蘇永康過檔,再叫埋自由身的張衞健加盟太陽娛樂。

上月尾,許志安宣布加盟黃柏高旗下太陽娛樂,更有傳身價拍得住 Sammi。

上月飛去倫敦賀老友陳奕迅做博士,團年飯獨欠梁漢文及老婆 Karen,初二許志安終於等齊人入正題。《蘋果日報》圖片

所剩無幾

本來係娛樂大亨,不過去年 4月林建嶽當選旅發局主席,近一年來政經搞作多多,成為政經版常客,本來熱衷的電影、唱片事業則丟在一旁,又難怪旗下藝人愈走愈多。

藍奕邦

與東亞六年合約約滿後,藍奕邦上月中微博自爆離開東亞,未來將會加盟環球唱片。

雷頌德

東亞旗下歌手買少見少,因此雷頌德完成去年 6月個人作品展後都萌去意,第一個答應跟安仔過檔太陽娛樂。

王菀之

東亞唱片最後親生女王菀之,上次出碟已經是去年頭,最近專注喜劇路線拍電影,不過一概唔係嶽少出品。

C AllStar

藝人合約由寰亞及自家經理人共同擁有,不用全靠寰亞,所以依然活躍樂壇,下月還將首踏紅館。



鍾意就快D Share啦!